گوگل نیوز پر ہمیں فالو کریںکراچی:پاکستان میں مختلف وجوہات کی بناء پر روپے کی قدر میں کمی کا سلسلہ جاری ہے اور ہر روز ڈالر ملکی تاریخ کی نئی بلند ترین سطح پر دیکھا جارہا ہے۔
مارکیٹ رپورٹ میں کہا گیا ہے کہ گزشتہ روز انٹر مارکیٹ میں ڈالر کی قدر 170 روپے کی ریکارڈ سطح پر جانے کے بعد 169 روپے 96 پیسے ہوگئی تھی۔
تاہم کاروباری ہفتے کے تیسرے روز بھی ڈالر کی اونچی اڑان کا سلسلہ جاری رہا اور پاکستانی کرنسی کی قدر میں مزید 50 پیسے کمی دیکھی گئی۔
انٹر بینک میں بدھ کے روز ڈالر کی قیمت خرید 170 روپے 46 پیسے پر جاپہنچی ہے،جب کہ اوپن مارکیٹ میں ڈالر کی قیمت خرید 171 روپے 30 پیسے جب کہ قیمت فروخت 172 روپے 55 پیسے رہی۔
معاشی ماہرین کا ڈالر کی بڑھتی ہوئی قدر کے حوالے سے کہنا ہے کہ روپے کے مقابلے میں ڈالر کی قیمت میں تاریخی اضافے کی سب سے بڑی وجہ ملک کا بڑھتا ہوا درآمدی بل ہے جو تجارتی اور جاری کھاتوں کے خسارے میں بے تحاشا اضافہ کر رہا ہے۔
مزید پڑھیں: ایل پی جی کی قیمت میں 20 روپے فی کلو اضافہ، گھریلو سلنڈر کی نئی قیمت 2300 ہو گئی
