انخلاء مکمل، برطانیہ کا آخری جہاز فوجیوں کو لے کر کابل سے روانہ

کابل:برطانیہ نے افغانستان سے اپنی فوج نکال لی، برطانیہ کا آخری جہاز فوجی اہلکاروں کو لے کر کابل سے روانہ ہوگیا۔

برطانوی وزارت دفاع نے ٹویٹ ایک ہوائی جہاز میں داخل ہونے والے اور تھکے ہوئے فوجیوں کی تصاویر پوسٹ کرتے ہوئے بتایا کہ برطانیہ کی مسلح افواج کے جوانوں کو لے کر آخری پرواز کابل سے روانہ ہو گئی ہے۔

فوجیوں کو خراج تحسین پیش کرتے ہوئے وزارت نے لکھاکہ ان تمام لوگوں کاشکریہ جنہوں نے انتہائی دباؤ اور خوفناک حالات میں انتہائی بہادری سے خدمات انجام دیں تاکہ انتہائی کمزور شہریوں کو محفوظ طریقے سے نکال سکیں۔

The final flight carrying UK Armed Forces personnel has left Kabul. To all those who served so bravely under enormous pressure and horrendous conditions to safely evacuate the most vulnerable of civilians: Thank you. pic.twitter.com/8DaRrpjWjq

— Ministry of Defence Press Office (@DefenceHQPress) August 28, 2021

اس سے قبل ہفتے کے روز برطانیہ نے ایک طیارہ بھیجا تھا جس میں صرف برطانوی شہریوں کو نکالا گیا تھا کیونکہ برطانیہ نے 31 اگست کی امریکی فوج کے انخلا کے لیے طالبان کے ساتھ طے شدہ آخری تاریخ سے پہلے شہریوں ، سفارت کاروں اور فوجیوں کو ہوائی جہاز پر منتقل کرنے کے لیے اپنا آپریشن ختم کر دیا تھا۔

مزید پڑھیں:برطانیہ کاطالبان کے اقتدارمیں آنے کے بعدملکر کام کرنے کا اعلان

برطانوی وزیر اعظم بورس جانسن نے ریسکیو آپریشن مکمل کرنے والوں کا شکریہ ادا کرتے ہوئے کہا ہے کہ انہوں نے دو ہفتوں سے بھی کم عرصے میں 15000 سے زائد لوگوں کی مدد کی ہے۔

گزشتہ ہفتے برطانوی وزارت دفاع نے کہاتھا کہ برطانیہ افغانستان سے 13 اگست سے اب تک5 ہزار 725 افراد کا انخلا کر چکا ہے۔

برطانوی دفتر خارجہ کے وزیرجیمز کلیورلی نے برطانوی نشریاتی ادارے سے گفتگو میں کہا تھا کہ برطانیہ امریکی انخلا کی31 اگست کی ڈیڈلائن بڑھانیکی کوشش کرے گا۔برطانوی وزیر نے کہا کہ ہمارے پاس زیادہ وقت ہوگا تو زیادہ سے زیادہ لوگوں کو نکال سکیں گے۔