اداکارہ نادیہ حسین نے اپنے گھرمیں مردملازم کونازیبا حرکت پر تھپڑجڑدیا

معروف اداکارہ و ماڈل نادیہ حسین نے اپنے گھر میں مرد ملازم کو تھپڑ جڑدیا، ٹی وی پروگرام میں  واقعہ کے حوالے سے مکمل تفصیلات بھی بتادیں۔

معروف ماڈل نادیہ حسین ایک ٹی وی شو میں شریک ہوئیں جہاں انہوں نے گھریلو ملازمین کے ساتھ سلوک کے بارے میں بات کرتے ہوئے بتایا کہ انہوں نے ایک بار اپنے گھرکے مرد ملازم کو تھپڑمارا تھا۔

انہوں نے بتایا کہ میرا نوکر میری نوکرانی کی تصاویر لیتا تھا جبکہ وہ گھر کی صفائی میں مصروف رہتی تھی۔

میری نوکرانی نے مجھ سے شکایت کی کہ مرد خادم اس کی اجازت کے بغیر اس کی تصاویر لیتا ہے اور پھر میں نے اس کا فون چیک کیا توتصویریں موجود تھیں۔نادیہ حسین نے مزید انکشاف کیاکہ میں انتہائی غصے میں آگئی اور اپنے نوکر کو تھپڑ مارا۔

مزید پڑھیں:اداکارہ نادیہ حسین نے نئی ماڈل لڑکیوں کا دکھڑا کھول دیا

اس سے قبل اداکارہ و ماڈل نادیہ حسین نے اپنی وائرل ہونے والی ویڈیو سے متعلق وضاحتی بیان جاری کرتے ہوئے بتایاتھا کہ ملازمہ کو ڈانٹنے سے متعلق وائرل ہونے والی ویڈیو ایک مہم کا حصہ ہے اور برانڈ کی تفصیلات بعد میں جاری کی جائیں گی۔

کچھ روز قبل نادیہ حسین کی ایک ویڈیو سوشل میڈیا پر وائرل ہوئی تھی جس میں وہ گھریلو ملازمہ کو سوئچ بند نا کرنے اور موبائل میں مگن رہنے پر ڈانٹ ڈپٹ کرتی دِکھائی دے رہی تھیں۔

تاہم اداکارہ نے انسٹاگرام پر ایک ویڈیو جاری کی ہے جس میں انہوں نے بتایا کہ یہ ایک برانڈ کی پیڈ کیمپین تھی جبکہ برانڈ کا نام جلد بتا دیا جائے گا۔