گوگل نیوز پر ہمیں فالو کریںپاکستانی شوبز انڈسٹری کے مشہورومعروف اداکار عمران عباس نے غیر شادی شدہ ہونے سے متعلق ایک سوال پوچھا جس پر مداحوں کے دلچسپ جوابات نے اداکار کو ورطۂ حیرت میں ڈال دیا ہے۔
فوٹو شیئرنگ پلیٹ فارم انسٹاگرام پر اپنے پیغام میں اداکار عمران عباس نے ایک تصویر شیئر کرکے پوچھا کہ کیا یہ درست ہے یا غلط؟ جبکہ تصویر میں پوچھا گیا سوال یہ تھا کہ کیا غیر شادی شدہ ہونا رشتہ قائم کرنے کے مقابلے میں کم ذہنی دباؤ کا حامل ہوتا ہے؟
View this post on Instagram
معروف اداکار عمران عباس کی شیئر کی گئی تصویر میں کہا گیا کہ غیر شادی شدہ ہونا آپ کو غلط شخص سے رشتہ قائم کرنے کے مقابلے میں ذہنی دباؤ سے ہزار گنا زیادہ محفوظ رکھ سکتا ہے جس پر اداکار نے سوال کیا کہ کیا ایسا کہنا درست ہوگا؟
سوال کے ردِ عمل میں مداحوں نے دلچسپ ردِ عمل کا اظہار کرتے ہوئے مزاحیہ جوابات دئیے۔ بعض نے اپنی زندگی کا دُکھڑا بیان کرنا شروع کردیا تو کچھ نے سوال کیا کہ کیا آپ کا اپنا دل کسی رشتے کے باعث ٹوٹ گیا یا رشتہ نبھانا مشکل ثابت ہورہا ہے؟
بہت سے سوشل میڈیا صارفین نے عمران عباس سے اتفاق کرتے ہوئے کہا کہ غیر شادی شدہ رہنا شادی کرکے غلط رشتہ قائم کرنے سے بہتر ہے جس سے آپ کی ذہنی ہم آہنگی ہی نہ ہو۔ ایک مداح نے کہا کہ اپنے لیے کسی درست ساتھی کا انتخاب کریں۔
یہ بھی پڑھیں: ڈرامہ سیریل تمہارے حسن کے نام پرعمران عباس کا شاعرانہ تبصرہ
