کراچی میں قربانی کے جانور کو گولیاں مارنے پر 8 افراد گرفتار

کراچی: پولیس نے قربانی کے لیے لایا گیا بھینسا بھاگنے پر فائرنگ کرنے والے 8 افراد کو گرفتار کرلیا، 6 ملزمان کی تلاش جاری ہے۔

پولیس نے واقعے کا مقدمہ سچل تھانے میں درج کرکے 8 مسلح افراد کو شناخت کے بعد گرفتار کیاباقی 6 افراد کی تلاش جاری ہے۔

کراچی: کراچی کے علاقے یونیورسٹی ہاوسنگ سوسائٹی میں قربانی کے لئیے لایا جانے والا بھینسا بپھر گیا

کراچی: رسی توڑ کر بھاگنے والے بھینسے کوسیکوریٹی گارڈزاورلوگوں نے فائرنگ کرکے زخمی کیا

کراچی: بھینسے کو 20 سے زائد گولیاں ماری گئیں

کراچی: زخمی ہونے کے باوجود بھینسا بھاگتا pic.twitter.com/N1axmkbss4

— A B khan (@ABkhan37385379) July 21, 2021

اینیمل ایکٹ کی دفعہ سمیت مقدمے میں دیگر دفعات بھی شامل کی گئی ہیں۔ پولیس کے مطابق گرفتار افراد کے پاس اسلحے کے لائسنس موجود ہیں۔

کراچی کے علاقے اسکیم 33 میں گزشتہ روز بھینسے کو فائرنگ کرنے کے بعد ذبح کیا گیا تھا۔مویشی کے مالک معین الرحمان نے ناتجربہ کار قصائی منگوایا جس کی وجہ سے جانور بھاگ گیا۔جانور قابو میں نہ آیا تو مالک نے مسلح ساتھیوں کی مدد لی اور بھینسے پر شدید فائرنگ کی گئی۔

مزید پڑھیں:ملک بھر میں عید الاضحی کے دوسرے روز بھی جانوروں کی قربانی کا سلسلہ جاری

کلاشنکوف، ریپیٹر اور ٹی ٹی کے ذریعے بھینسے کو نشانہ بنایاگیا اور کئی مقامات پر اسے روکنے کے ‏لیے فائرنگ کی گئی اور ٹانگ پر گولی لگنےسے بھینسا زخمی ہو گیا لیکن اس کے باوجود بھاگتا رہا۔

گرفتار ملزمان مسلسل بھینسے کو گولیاں مارتے رہے جبکہ علاقے میں موجود دیگر لوگ ویڈیو بناتے رہے جس کے بعد ویڈیوز وائرل ہونے پر پولیس نے ملزمان کو گرفتار کیا۔