گوگل نیوز پر ہمیں فالو کریںکراچی: محکمہ داخلہ سندھ نے نیا حکم نامہ جاری کرتے ہوئے کہا کہ مویشی منڈیوں میں جانے والوں کو کورونا ویکسی نیشن کارڈ دکھانا ہوگا۔
وزارت داخلہ سندھ کی جانب سے جاری ہونے والے نئے حکم نامے کے مطابق کورونا ایس او پیز کے تحت بسوں میں سفر کرنے، مویشی منڈیوں، ہوٹلوں اور شادی ہالز میں آؤٹ ڈور تقریبات کے لیے ویکسی نیشن لازمی قرار دے دی گئی۔
وزارت داخلہ سندھ کے مطابق نیا حکم نامہ عید الاضحی پر کورونا کے پھیلاؤ کے خدشات کے پیش نظر کیا گیا ہے۔
خیال رہے کہ کراچی میں کورونا کیسز میں تیزی سے اضافہ ہورہا ہے اور مثبت کیسز کی شرح 20 فیصد پر پہنچ گئی ہے۔
یہ بھی پڑھیں : نواز شریف نے ایکٹنگ میں ہالی ووڈ کے اداکاروں کو بھی پیچھے چھوڑ دیا، عمران خان
