صدر عارف علوی جاپان روانہ، شہنشاہ ناروہیٹو کی تاجپوشی تقریب میں شریک ہونگے

اسلام آباد: صدر عارف علوی جاپان کے سرکاری دورے پر روانہ ہو گئے ہیں،ڈاکٹرعارف علوی جاپان کے شہنشاہ ناروہیٹو کی تاجپوشی کی تقریب میں شریک ہونگے،اس تقریب میں 100 سے زائد ممالک کے سربراہان کی شرکت بھی متوقع ہے۔

صدارتی ترجمان کے مطابق صدر پاکستان ڈاکٹر عارف علوی دورے کے دوران جاپان کے شہنشاہ ناروہیتو کی تاج پوشی کے تقریب میں شرکت کے علاوہ جاپانی قیادت اور جاپانی کمپنیوں کے نمائندوں سے ملاقاتیں بھی کریں گے۔

ترجمان دفترخارجہ کا اس حوالے سے کہنا ہے کہ جاپان پاکستان میں سرمایہ کاری اور پاکستانی مصنوعات درآمد کرنے والے ملکوں میں سرفہرست ہے، جاپان نے پاکستان کی سماجی و اقتصادی ترقی میں اہم کردار ادا کیا ہے۔