پی ایس ایل سیزن 6: کراچی کنگز کا اسلام آباد یونائیٹڈ کو 191 رنز کا ہدف

ابوظبی: پی ایس ایل 6 کے 22ویں میچ میں کراچی کنگز نے پہلے کھیلتے ہوئے مقررہ 20 اوورز میں 190 رنز بنار کر اسلام آباد یونائیٹڈ کو جیت کے لیے 191 رنز کا ہدف دے دیا ہے۔

تفصیلات کے مطابق کراچی کنگز نے پہلے بیٹنگ کرتے ہوئے مقررہ اوورز میں 4 وکٹوں کے نقصان پر 190 رنز بنائے اور اسلام آباد یونائیٹڈ کو جیت کے لیے 191 رنز کا ہدف دیا۔

5️⃣0️⃣ UP ???? @iamnajibzadran has been phenomenal tonight! #MatchDikhao l #HBLPSL6 I #IUvKK pic.twitter.com/HaEVx6j8ne

— PakistanSuperLeague (@thePSLt20) June 14, 2021

کراچی کنگز کی جانب سے بابر اعظم نے 54 گیندوں پر 3 چھکوں اور 7 چوکوں کی مدد سے شاندار 81 رنز اسکور کیے۔ دوسرے اینڈ سے نجیب اللہ زادران نے بھی بابر اعظم کا خوب ساتھ دیا اور 71 رنز بنا کر ناٹ آؤٹ رہے۔

????
And with that shot, @babarazam258 is now the leading run scorer of the tournament.

Turbo mode ????#MatchDikhao l #HBLPSL6 I #IUvKK pic.twitter.com/F3LLwC69Fq

— PakistanSuperLeague (@thePSLt20) June 14, 2021

شرجیل خان 25 رنز بنا کر آؤٹ ہوئے جبکہ مارٹن گپٹل 6 رنز بنا کر پویلین لوٹ گئے، تھسارا پریرا بغیر کوئی رن بنائے آؤٹ ہوئے۔

یونائیٹڈ کی جانب سے حسن علی، عاکف جاوید، علی خان اور محمد وسیم نے ایک، ایک وکٹ حاصل کی۔

https://twitter.com/thePSLt20/status/1404481515501899776

قبل ازیں اسلام آباد یونائیٹڈ کے کپتان شاداب خان نے عماد وسیم الیون کو ٹاس جیت کر پہلے بیٹنگ کی دعوت دی تھی، اسلام آباد یونائیٹڈ کی ٹیم میں تین تبدیلیاں کی گئی ہیں۔

???? T O S S U P D A T E ????

Islamabad won the toss and elected to field today. Kya predictions hain aap ki? #MatchDikhao l #HBLPSL6 I #IUvKK pic.twitter.com/DgncNKj3PU

— PakistanSuperLeague (@thePSLt20) June 14, 2021

شاداب خان کا کہنا تھا کہ حسن علی، محمد اخلاق اور عاکف جاوید کی ٹیم میں واپسی ہوئی ہے، کوشش کریں گے پاور پلے میں جلد وکٹیں حاصل کیں۔

کراچی کنگز کے کپتان عماد وسیم کا کہنا تھا کہ ٹیم میں ایک تبدیلی کی گئی ہے قاسم اکرم کی جگہ عباس آفریدی کو فائنل الیون میں شامل کیا گیا ہے۔

واضح رہے کہ گزشتہ میچ میں ملتان سلطانز نے کراچی کنگز کو 12 رنز سے شکست دی تھی۔