بھارت میں کورونا سے آگاہی کیلئے خواتین پولیس اہلکاروں کے ڈانس کی ویڈیو وائرل

بھارت میں کورونا سے آگاہی کیلئے چنائی کے ایک ریلوے اسٹیشن پر خواتین پولیس افسران واہلکاروں کے رقص کرنے کی ایک ویڈیو انٹرنیٹ پر وائرل ہوگئی ہے۔

بھارت میں کورونا کی صورتحال انتہائی تشویشناک ہوچکی ہے اور پولیس حکام اس مشکل ترین وقت کے دوران وبائی امراض کے بارے میں شعور اجاگر کرنے کی پوری کوشش کر رہے ہیں۔

اس ویڈیو کی سب سے بڑی وجہ محکمہ پولیس کے ذریعہ لوگوں میں کورونا وائرس سے متعلق آگاہی پھیلانا ہے جس کے لئے محکمہ پولیس نے یہ ویڈیو شیئر کی ہے۔

Chennai Railway Police viral dance performance to popular Enjaai Enjaami song to raise awareness about #COVID19 at MGR Chennai Central Railway station.@MoHFW_INDIA @COVIDNewsByMIB @RailMinIndia @GMSRailway @RPF_INDIA @rpfsrmas @arunkumar783 @Subramanian_ma @RAKRI1 @PIB_India pic.twitter.com/gyoh5Z36X1

— PIB in Tamil Nadu ???????? (@pibchennai) May 9, 2021

واضح رہے کہ بھارت میں کورونا کے وار جاری، کورونا وباکے باعث بھارتی سینٹرل ریزروپولیس فورس کے 108اہلکار ہلاک ہو چکے ہیں جو کہ بھارتی وزارت داخلہ کی زیرکمان پیرا ملٹری فورسز میں ہلاکتوں کی سب سے زیادہ تعداد ہے۔

کشمیرمیڈیا سروس کے مطابق بھارتی وزارت داخلہ کے تازہ ترین اعداد و شمار میں بتایا گیا ہے کہ سی آر پی ایف، بارڈر سیکورٹی فورس، سینٹرل انڈسٹریل سیکورٹی فورس، انڈو تبتین بارڈر پولیس، ساشترا سیما بل، نیشنل سیکورٹی گارڈ اور نیشنل ڈیزاسٹر ریسپانس فورس سمیت تمام سات فورسز کے مجموعی طورپر 271اہلکار مہلک وائرس سے ہلاک ہو چکے ہیں۔