گوگل نیوز پر ہمیں فالو کریںپاکستانی شوبز انڈسٹری کی معروف اداکارہ ہانیہ عامر نے کہا ہے کہ ماضی کی تلخ یادوں کے بارے میں سوچ سوچ کر پریشان نہیں ہونا چاہئے۔
تفصیلات کے مطابق اداکارہ ہانیہ عامر نے حال ہی میں اپنے خوبصورت بچپن کی تصاویر مداحوں کیلئے شیئر کرتے ہوئے کہا کہ جو لوگ آپ کی ناقدری کریں، انہیں بھول کر آگے بڑھ جائیں۔
فوٹو شیئرنگ پلیٹ فارم انسٹا گرام پر اپنے پیغام میں اداکارہ ہانیہ عامر نے کہا کہ کسی کو ساتھ چھوڑ کر جاتے دیکھنا اتنا ہی افسوسناک ہوسکتا ہے جتنا کہ ہم سمجھتے ہیں جبکہ اسے نظر انداز کیا جاسکتا ہے۔
ایوارڈ یافتہ ڈرامے عشقیہ کی اداکارہ ہانیہ عامر نے کہا کہ ہوسکتا ہے کہ اسی صورتحال کا اگر دوسرے زاویے سے تجزیہ کیا جائے تو یہ آزادی محسوس ہو جبکہ منفرد طرزِ فکر سب کچھ ہے۔
View this post on Instagram
اداکارہ ہانیہ عامر نے کہا کہ ماضی کے بارے میں سوچ سوچ کر اپنے آپ کو بے چارہ مت بنائیں۔ ایک قدم آگے بڑھیں، اپنے سامنے موجود لمحات کا لطف اٹھائیں اور تشویش کا خاتمہ کردیں۔
ہانیہ عامر نے کہا کہ ان خیالات اور لوگوں کو چھوڑ دیں جو آپ کو یہ احساس دلاتے ہوں کہ آپ نے اچھی کارکردگی نہیں دکھائی۔ جو لوگ آپ کو اپنی ذات پر شک کرنے پر مجبور کرتے ہوں، انہیں چھوڑ دیں۔
انہوں نے کہا کہ آزادی سے سانس لیں کیونکہ یہ آپ کی اپنی زندگی ہے۔لوگوں کو جانے دیں اور اپنے آپ کو منتخب کریں۔ ہانیہ عامر نے اپنے بچپن کی مختلف خوبصورت تصاویر بھی مداحوں سے شیئر کیں۔
View this post on Instagram
یہ بھی پڑھیں: یاسر کے ہاں بے بی شاورکی تقریب، اقراء کے لباس پر 100 دعائیں موجود
