ٹام جونز برطانیہ میں میوزک چارٹ پر سب سے عمر رسیدہ شخص بن گئے

لندن: ٹام جونز 80 سال کی عمر میں برطانیہ کے البم چارٹ میں سب سے عمر رسیدہ شخص بن گئے ،پسندیدگی پر مداحوں سے اظہارتشکر۔

ٹام جونز 1965میں اپنے کیریئر کے آغازکے 56 سال بعد پہلی بار برطانیہ میں میوزک چارٹ پر ٹاپ پوزیشن پر آئے ہیں، ان کا کہنا ہے کہ میوزک چارٹ میں ٹاپ پر آناناقابل یقین تھا۔ مجھے ہر ایک پر فخر ہے جس نے اس موسیقی کو تخلیق کرنے میں میری مدد کی۔

ان کا کہنا ہے کہ میرے لئے خوشی کی بات یہ ہے کہ لوگوں نے میرے میوزک کو پسند کیا اور عوام کی پسندیدگی پر ہمیشہ کے لئے شکر گزار ہوں۔

WOW!…at 80 years old, I have a NUMBER #1 album.
Thank you to everybody who has taken the time to listen to #SurroundedByTime. It means so much that you are enjoying the tunes & have embraced the music in this way. It is humbling to see the support after all this time. ????????❤️???? pic.twitter.com/Ouc9hdmaht

— Tom Jones (@RealSirTomJones) April 30, 2021

چند روز قبل ٹیلر سوئفٹ کا البم فیئرلیس برطانیہ میں میوزک چارٹ میں ٹاپ پر تھا، امریکی گلوکارہ ٹیلر سوئفٹ نے 2008ء کے ہٹ البم فِیئرلیس کو دوبارہ ریکارڈنگ کے بعد ایک نئے ورژن کی صورت میں ریلیز کیا تھا۔

موجودہ البم میں فیئرلیس کے 2008ء کے ورژن سے 13 گیت لیے گئے ہیں جبکہ 6 نئے گانے بھی شامل کیے گئے ہیں جو ریکارڈ کے پلاٹینم ورژن کا حصہ ہیں جس میں ٹوڈے واز اے فیئری ٹیل نامی گانا بھی شامل ہے۔

ٹیلر سوئفٹ نے ایک نیا گانا مسٹر پرفیکٹلی فائن ریلیز کیا تھا جو فیئرلیس کا پہلا گانا تھا۔ ٹوئٹر پر بھی گلوکارہ ٹیلر سوئفٹ نے اپنے پیغام میں کہا کہ یہ گانا 2008ء میں ریلیز کیا گیا تھا لیکن البم میں شامل نہیں کیا جاسکاتھا۔