گوگل نیوز پر ہمیں فالو کریںکراچی: پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان کا کہنا ہے کہ پی ڈی ایم چھوڑ کر جانے والی جماعتیں اپنی غلطی تسلیم کرتے ہوئے واپس آجائیں۔
میڈیا سے گفتگو کرتے ہوئے مولانا فضل الرحمان کا کہنا تھا کہ غلط انداز سے پی ٹی ایم چھوڑنے والوں سے کی گئی اپیل پر وہ اب بھی قائم ہیں کیونکہ جو رویہ انہوں نے اپنایا وہ کسی طور پر بھی جمہوری نہیں تھا۔
مولانا فضل الرحمان کا کہنا تھا کہ پی ڈی ایم کی اسٹیئرنگ کمیٹی کا اجلاس ہوا جس میں تجویز دی گئی ہے کہ ایک سربراہی اجلاس بھی بلایا جائے جس میں تمام جماعتوں کے سربراہان کو دعوت دی جائے۔ ان کا کہنا تھا کہ ایک تجویز یہ بھی تھی کہ رمضان کے بعد عوامی رابطہ مہم کو بڑھایا جائے۔
حکومت کی معاشی پالیسیوں پر تنقید کرتے ہوئے پی ڈی ایم کے سربراہ کا کہنا تھا کہ معیشت تباہ ہوچکی ہے، کئی سالوں تک معیشت کا جمود برقرار رہے گا۔ اگلے اجلاس میں غور کریں گے معیشت کو کس طرح بہتر کرایا جاسکتا ہے۔
انہوں نے کہا کہ اس وقت کورونا کا رونا رویا جارہا ہے اور لاک ڈاؤن کیا جارہا ہے، موجودہ حکومت نے اب تک ایک پیسے کی بھی ویکسین نہیں لی، کورونا ویکسین تو دور کی بات حکومت نے تو ملیریا کی دوا بھی درآمد نہیں کی ہے۔
یہ بھی پڑھیں : نیشنل کمانڈ اینڈ آپریشن سینٹر کی عیدالفطر پر 6 چھٹیوں کی تجویز
