ایک آرٹسٹ ہونے کی حیثیت سے میرا کوئی گھر نہیں ہے،صبا قمر

ِکراچی:پاکستان کی معروف و ہر دل عزیز اداکارہ اورماڈل صبا قمر نے کہا ہے کہ ایک آرٹسٹ ہونے کی حیثیت سے اْن کا کوئی گھر نہیں ہے۔

اداکارہ نے اپنے تصدیق شدہ انسٹاگرام اکاؤنٹ پر اپنی نئی تصویریں شیئر کی ہیں جن میں وہ ترکی کے شہر استنبول میں موجود ہیں۔تصویروں میں اداکارہ نے مغربی طرز کا لباس زیب تن کیا ہوا ہے۔

 

View this post on Instagram

 

A post shared by ???????????????? ???????????????????? (@sabaqamarzaman)

صبا قمر نے اپنی دلکش تصاویر کے کیپشن میں لکھا کہ ’میں ایک آرٹسٹ ہوں جس کا کوئی گھر اور کوئی ٹھکانہ نہیں ہے۔اداکارہ نے لکھا کہ ’مجھے بس چلتے جانا ہے اور چلتے جانا ہے۔صبا قمر کی اس پوسٹ کو اْن کے مداح بہت پسند کررہے ہیں۔

اداکارہ کی اس پوسٹ پرایک لاکھ 50 ہزار سے زائد لائکس آچکے ہیں جبکہ تبصروں کا سلسلہ بھی جاری ہے۔واضح رہے کہ حال ہی میں صبا قمر کی میوزک ویڈیو ’چنگاریاں‘ جاری ہوئی تھی جس میں مصطفیٰ زاہد نے اپنی آواز کا جادو جگایا تھا۔

صبا قمر کی اس میوزک ویڈیو نے نہایت کم وقت میں یوٹیوب پر زیادہ دیکھی جانے والی ویڈیوز میں شامل ہونے میں کامیاب ہوئی تھی۔خوبرو پاکستانی اداکارہ نے ٹی وی اور ڈراموں میں اپنی اداکاری کا آغاز ’میں عورت ہوں‘ سے کیا تھا، اس کے بعد کامیابیوں کا نہ رکنے کا والا سلسلہ شروع ہوگیا۔