گوگل نیوز پر ہمیں فالو کریںوفاقی تحقیقاتی ادارے (ایف آئی اے) نے شوگر اسکینڈل کیس میں پی ٹی آئی رہنما جہانگیر ترین اور ان کے صاحبزادے علی ترین کو تحقیقات کیلئے ایک بار پھر طلب کر لیا ہے۔
تفصیلات کے مطابق ایف آئی اے نے شوگر اسکینڈل کیس کی تحقیقات کیلئے جہانگیر ترین، علی ترین اور کمپنی سیکریٹری شاہد سلیم رانا کو طلب کر لیا۔ تینوں افراد کو شوگر انویسٹی گیشن ٹیم کے سامنے پیش ہونے کی ہدایت کی گئی ہے۔
ایف آئی اے کے نوٹس میں کہا گیا کہ سالانہ مالیاتی اسٹیٹمنٹ اور مکمل انڈپینڈنٹ ویلیو ایشن کی تفصیلات انکوائری کیلئے ساتھ لائیں۔ جے کے ایف ایس ایل کی 35 ہزار ایکڑ کے فارم کی تفصیلات فراہم کی جائیں۔ 3 ارب سے زائد کے ایڈوانس کی منی ٹریل بھی دی جائے۔
نوٹس میں کہا گیا کہ جہانگیر ترین اور علی ترین اپنے غیر ملکی اثاثے مکمل طور پر ظاہر کریں۔لندن میں موجود جائیدادوں کی تفصیلات بھی فراہم کریں۔ذرائع کا دعویٰ ہے کہ جہانگیر ترین نے لندن میں فارم ہاؤس کی موجودگی کا خود ذکر کیا تھا۔
یہ بھی پڑھیں: وزیرِ اعظم اور جہانگیر ترین میں اختلافات کی بازگشت اور چینی اسکینڈل کیس
