گوگل نیوز پر ہمیں فالو کریںاسلام آباد: وزیراعظم عمران خان کے معاون خصوصی مولانا طاہر اشرفی نے کہا ہے کہ ہم مسجد اور مدرسے کو خودمختار دیکھنا چاہتے ہیں، حکومت ذخیرہ اندوزوں کیخلاف کارروائی کررہی ہے، تاجر تنظیمیں رمضان میں اپنا منافع 50 فیصد کردیں۔
اسلام آباد میں پریس کانفرنس سے خطاب کرتے ہوئے وزیر اعظم کے معاون خصوصی مولانا طاہر اشرفی نے کہا ہے کہ طے شدہ ایس او پیز پر رمضان میں عملدرآمد کیا جائے، نمازی مساجد کے اندر ماسک کا استعمال کریں، گھر سے وضو کر کے آئیں، اپنا جائے نماز ساتھ لائیں، مہنگائی کنٹرول کرنے کیلئے حکومت اقدامات کررہی ہے۔
مزید پڑھیں:علماء کرام کی وزیراعظم سے ملاقات، لاک ڈاؤن میں مکمل تعاون کی یقین دہانی
مولانا طاہر اشرفی نے کہا کہ حکومت ذخیرہ اندوزوں کیخلاف کارروائی کررہی ہے، تاجر تنظیمیں رمضان میں اپنا منافع 50 فیصد کردیں، رمضان المبارک کے دوران گرانفروشی روکنے کیلئے ہرممکن اقدامات کئے جارہے ہیں، حکومت ذخیرہ اندوزوں اور گرانفرشوں کو کیفرکردار تک پہنچائے گی۔
انہوننے کہا کہ ہم مسجد اور مدرسے کو خودمختار دیکھنا چاہتے ہیں، پاکستان میں رہنے والی اقلیتیں ہمارے لیے بہت اہم ہیں، غیرمسلم طلبا اسلامی نصاب نہیں پڑھنا چاہتے تو ان پر لازم نہیں جبکہ کورونا ویکسین کے حوالے سے انہوں نے کہا کہ روزے کی حالت میں ویکسین لگائی جاسکتی ہے۔
