ووٹ چوروں کا مقابلہ کرنے والے شیروں کو مبارکباد پیش کرتی ہوں، مریم نواز

لاہور : مسلم لیگ ن کی نائب صدر مریم نواز نے این اے 75 کے ضمنی الیکشن سےمتعلق سپریم کورٹ کے فیصلے پر ردعمل دیتے ہوئے اپنے ٹوئٹر پیغام میں کہا ہے کہ (ن) لیگ  کے شیروں کو مبارکباد جنہوں نے ووٹ چور ٹولے کا ڈٹ کر مقابلہ کیا، (ن) لیگ کے شیروں نے اپنے ووٹ پر پہرہ بھی دیا، شاباش ڈسکہ والو، شاباش نوشین۔

انہوں نے کہا کہ آج ایک بار پھر ثابت ہوگیا کہ حکومت نے ڈسکہ کے عوام کے ووٹ پر ڈاکا ڈالا ہے اور  صرف ری الیکشن سے بات نہیں بنے گی،  وارداتیوں کو ووٹ چوری کرنے کا حساب دینا ہوگا۔ انشاءاللہ 

واضح رہے کہ آج سپریم کورٹ نے این اے 75 ڈسکہ کے ضمنی الیکشن کالعدم قرار دے کر حلقے میں دوبارہ پولنگ کا الیکشن کمیشن کا فیصلہ برقرار رکھتے ہوئے پی ٹی آئی کی درخواست کو مسترد کردیا تھا۔