صارف کو پھٹے کپڑے دینے پر آن لائن شاپ پر 30ہزار جرمانہ عائد

کراچی: کنزیومر پروٹیکشن کورٹ ایسٹ کی جانب سے صارف کو پھٹے ہوئے کپڑے دینے کی درخواست پر فیصلہ سناتے ہوئے آن لائن شاپ پر مجموعی طور پر 30 ہزار روپے جرمانہ عائد کر دیا گیا ہے۔

جمعرات کوکراچی کی کنزیومر پروٹیکشن کورٹ میں آن لائن کپڑوں کی شاپ کی جانب سے صارف کو پھٹے ہوئے کپڑے دینے کی درخواست پر سماعت ہوئی۔

دوران سماعت عدالت کی جانب سے صارف کو نیا جوڑا دینے کا حکم دیتے ہوئے آن لائن کپڑے فروخت کرنے والی شاپ پر مجموعی طور پر 30 ہزار روپے جرمانہ عائد کر دیا گیا۔

عدالت کی جانب سے ریمارکس میں کہا گیا ہے کہ لوگ عدالتوں میں انصاف کے لیے آتے ہیں، جرمانہ ادا نہ کرنے کی صورت میں مزید جرمانہ عائد کیا جا سکتا ہے۔

آن لائن فراڈ کرنے والوں کو کسی صورت میں رعایت نہیں ملے گی۔سماعت کے دوران درخواست گزار خاتون کی جانب سے کہا گیا کہ مجھے نئے کپڑوں کے بجائے پھٹے پرانے کپڑے دیئے گئے۔

خاتون کا کہنا تھا کہ میں نے ثقافت کے دن کی مناسبت سے کپڑے خریدے تھے۔درخواست گزارنے کہاکہ نئے کپڑے نہ ملنے کی وجہ سے تقریب میں شریک نہیں ہو سکی تھی۔