گوگل نیوز پر ہمیں فالو کریںکراچی: محکمہ صحت سندھ کے حکام نے شہر کے مختلف علاقوں میں کورونا سے بچاؤ کے حفاظتی مراکز قائم کردیئے ہیں۔ محکمہ صحت کا کہنا ہے کہ بزرگ شہری اپنے قریبی صحت کے مراکز پر حاضر ہو کر کورونا سے بچاؤ کے انجیکشن لگوانے کی سہولت سے فائدہ اٹھائیں۔
وزیر صحت سندھ ڈاکٹر عذرا پیچوہو نے کہا کہ محکمہ صحت کے حکام نے اب تک کراچی شہر کے مختلف اضلاع میں 30 سے زائد ویکسی نیشن مراکز قائم کر دیئے ہیں تاکہ لوگ بغیر کسی پریشانی اور تھکاوٹ کے اپنے گھروں کے قریب کورونا ویکسین کے ٹیکے لگواسکیں۔
انہوں نے کہا کہ شہر میں جگہ جگہ ویکسین سینٹرز قائم کرنے کا مقصد لوگوں کو زیادہ سے زیادہ کورونا کے ٹیکے لگانا ہے۔ ہمارا مقصد اس وبا کو زیادہ زیادہ روکنے کے لئے تمام وسائل بروئے کار لانا ہے۔ ان کا کہنا تھا کہ “اس وبا کو روکنے کا واحد حل ویکسین کی خوراک لینا سے ممکن ہے۔ انہوں نے شہریوں پر زور دیا کہ وہ کورونا ایس او پیز پر زیادہ سے زیادہ عمل کریں تاکہ اس موذی مرض سے بچا جاسکے۔”
رجسٹریشن کا عمل
محکمہ صحت سندھ کا کہنا ہے کہ بزرگ شہری اپنا 13 ہندسوں کا ( سی این آئی سی ) نمبر 1166 پر بھیجیں اور پن کوڈ حاصل کریں ۔ اس عمل کا مقصد رش سے لوگوں کو بچانا ہے۔ کراچی میں کووڈ 19 ویکسین کے مراکز کی فہرست درجہ ذیل ہے۔
یہ بھی پڑھیں : وفاق نے جناح اسپتال کو بورڈ آف گورنرز کے ماتحت کرنے کا نوٹی فیکیشن جاری کردیا
