گوگل نیوز پر ہمیں فالو کریںراولپنڈی: آرمی چیف جنرل قمر جاوید باجوہ سے پاکستان سپر لیگ (پی ایس ایل) فرنچائز پشاور زلمی کے چیئرمین جاوید آفریدی، کوچ ڈیرن سیمی اور مینٹور ہاشم آملہ نے ملاقات کی۔
ملاقات کے دوران جاوید آفریدی نے حوصلہ افزائی کرنے پر آرمی چیف جنرل قمر جاوید باجوہ کا شکریہ ادا کیا۔اس موقع پر جنرل قمر جاوید باجوہ نے پاکستان میں بین الاقوامی کرکٹ کی بحالی کے لیے کردار پر کرکٹرز کو سراہا۔
انہوں نے پی ایس ایل کی کامیابی اور ترقی پر کرکٹرز کو مبارک باد دی اور اس امید کا اظہار کیا کہ جلد پی ایس ایل کے دوبارہ آغاز سے قوم میں خوشی کی لہر دوڑ جائے گی۔
جنرل باجوہ سے گفتگو میں مہمان کرکٹرز نے پاکستان کے مختلف حصوں کے اپنے دوروں کے بارے میں تجربات سے آگاہ کیا۔
ڈیرن سیمی اور ہاشم آملہ نے اس موقع پر پاکستان کو ایک خوبصورت اور پرامن ملک قرار دیتے ہوئے کہا کہ ہمیں پاکستان اپنے دوسرے گھر کی طرح محسوس ہوتا ہے۔ کھیلوں کے حوالے سے پاکستان میں ہمارے تجربات بہت ہی یادگار ہیں۔
یہ بھی پڑھیں : ای سی سی نے 7 ارب 60 کروڑ روپے کے رمضان پیکج کی منظوری دے دی
