مرحوم اداکار عرفان خان کا بیٹا پاکستانی ڈراموں کا دلدادہ نکلا

ممبئیَ: بالی ووڈ کے مرحوم اداکار عرفان خان کے بیٹے بابِل خان نے پاکستانی ٹیلی ویژن ڈراموں سے اپنی محبت کا اظہار کیا ہے۔

بابِل خان نے سماجی رابطوں کی ویب سائٹ انسٹاگرام پر مرحوم والد کے ساتھ کی گئی ایک واٹس ایپ چیٹ کا اسکرین شاٹ پوسٹ کیا۔

 

View this post on Instagram

 

A post shared by Babil (@babil.i.k)

بابِل خان کی پوسٹ پر مداحوں سمیت پاکستانی صحافی ماریہ میمن نے بھی  دل والے ایموجی کے ہمراہ ردعمل کا اظہار کیا۔

ماریہ میمن کے تبصرے پر بابِل خان نے بھی دل والے ایموجی کے ہمراہ ردعمل کا اظہار کرتے ہوئے لکھا کہ پاکستان ٹیلی ویژن میرا ایک دلچسپ مشغلہ ہے۔

بابِل کے اعتراف پر ماریہ میمن نے تبصرہ کرتے ہوئے لکھا کہ عرفان صاحب کے انتقال کے چند ماہ بعد ہی میں نے اپنی والدہ کو کھو دیا تھا، آپ کا سفر اس غم سے قابل تعلق ہے۔

ماریہ میمن نے مزید لکھا کہ ہم لوگ صرف زندگی گزارتے ہیں اور عرفان صاحب جیسے لوگ زندہ رہ جاتے ہیں، سرحد کے اس پار سے بہت سارا پیار ملا ہے۔