گوگل نیوز پر ہمیں فالو کریںکراچی: پاکستان سمیت دنیا بھر میں روئی کی قیمتوں میں غیر معمولی اضافہ دیکھا گیا ہے، کاٹن جینرز ایسوسی ایشن پاکستان کا کہنا ہے کہ رواں برس ملک میں روئی کی قیمت 11 سال کی بلند ترین سطح پر پہنچ گئی ہے۔
تفصیلات کے مطابق کاٹن جینرز ایسوسی ایشن کے چیئرمین احسان الحق کا کہنا ہے کہ پاکستان میں حالیہ دنوں میں روئی کی قیمت میں 200 روپے فی من اضافہ ہوا ہے۔
احسان الحق کا کہنا ہے کہ روئی کی قیمت 11 سال کی بلند ترین سطح 11 ہزار 500 روپے فی من تک پہنچ گئی ہیں۔
امریکا کے حوالے سے گفتگو کرتے ہوئے ان کا کہنا تھا کہ امریکا میں بھی روئی کی قیمتیں پچھلے 3 سال کی بلند ترین سطح پر پہنچ گئی ہیں۔
ان کا کہنا تھا کہ سندھ کے ساحلی شہروں میں کپاس کی بوائی شروع ہوگئی ہے، وفاق نے سفید مکھی کے خاتمے کے لیے کسانوں کو 12 سو روپے فی ایکڑ سبسڈی دینے کا فیصلہ کیا ہے۔
یاد رہے کہ گزشتہ برس فصلوں پر ٹڈی دل کے حملے کے باعث کپاس کی فصل کو شدید نقصان پہنچا ہے۔
چیئرمین کاٹن جینرز ایسوسی ایشن کے مطابق نہری پانی کی دستیابی کے باعث کپاس کی ریکارڈ کاشت ہونے کا امکان تھا، تاہم ٹڈی دل کے حملے کے باعث گزشتہ سال پاکستان میں روئی کی صرف 1 کروڑ 50 لاکھ بیلز پیدا ہوئیں۔
یہ بھی پڑھیں: پی آئی اے کے 5 سالہ بزنس پلان پر کام کرنے کیلئے غیرملکی ماہرین کی پاکستان آمد
