گوگل نیوز پر ہمیں فالو کریںکراچی: وزیرِ بحری امور علی زیدی نے اعلان کیا ہےکہ اپوزیشن لیڈر سندھ اسمبلی حلیم عادل شیخ پر تشدد کا معاملہ وزیرِ اعظم عمران خان کے سامنے اٹھائیں گے۔
سماجی رابطے کی ویب سائٹ ٹوئٹر پر اپنے پیغام میں وزیرِ بحری امور علی زیدی نے کہا کہ میں نے ہسپتال میں زیرِ علاج حلیم عادل شیخ سے گفتگو کی ہے جبکہ حلیم عادل شیخ پر پیپلز پارٹی کے 50 غنڈوں نے حملہ کیا۔
ٹوئٹر پیغام میں وزیرِ بحری امور نے کہا کہ حلیم عادل شیخ پر حملہ سنٹرل جیل کراچی کے اندر کیا گیا۔ یہ معاملہ وزیرِ اعظم آفس میں اٹھائیں گے۔ وقت آگیا ہے کہ آئی جی سندھ، ہوم سیکریٹری اور نااہل چیف سیکریٹری سندھ کے خلاف اقدامات اٹھائے جائیں۔
Spoke to Sindh Assembly opposition leader @HaleemAdil who is admitted in a hospital as he was attacked by 50 PPP goons inside Central Jail KHI. Will raise this issue with the PM office. High time that action is taken against IGP-Sindh, Home Sec & an incompetent Chief Secretary.
— Ali Haider Zaidi (@AliHZaidiPTI) February 22, 2021
یاد رہے کہ اِس سے قبل اپوزیشن لیڈر سندھ اسمبلی حلیم عادل شیخ کے صاحبزادے احسن عادل شیخ نے کہا ہے کہ میرے والد پر پی پی پی کے غنڈوں نے جیے بھٹو کے نعرے لگا کر حملہ کیا۔
احسن عادل شیخ نے ویڈیو بیان جاری کرتے ہوئے کہا کہ ہسپتال میں میری اپنے والد حلیم عادل شیخ سے ملاقات ہوئی ہے۔ ان کو 40 سے 50 لوگوں نے تشدد کا نشانہ بنایا۔ اپنے ساتھیوں سے الگ کرکے حلیم عادل شیخ کو جیل میں منتقل کیا گیا تھا۔
مزید پڑھیں: حلیم عادل شیخ پرغنڈوں نے جیے بھٹو کے نعرے لگاکرحملہ کیا۔بیٹے کا بیان
