گوگل نیوز پر ہمیں فالو کریںاسکردو:کے ٹو پر لاپتہ کوہ پیماں علی سدپارہ اور ان ٹیم کی تلاش کے لیے پاک فوج نے ریسکیو آپریشن شروع کردیا ہے، سی ون 30 طیارہ مشن پر روانہ ہوگیا۔ طیارے سے ڈیتھ زون کی عکس بندی کی جائے گی۔
ذرائع کا کہنا ہے کہ سی ون 30طیارے میں فاروڈ لکنگ انفرا ریڈ کیمرا سسٹم نصب ہے، انفرڈ ریڈار ٹیکنالوجی کی مدد سے لاپتہ کوہ پیماؤں کا سرغ لگانے کی کوشش کی جائے گی۔
خیال رہے لاپتہ پاکستانی کوہ پیما علی سدپارہ اور دو غیر ملکی کوہ پیما سردیوں میں بغیر آکسیجن کے ٹو کو سر کرنے کی کوشش کر رہے تھے۔ نامور پاکستانی کوہ پیما محمد علی سد پارہ، آئس لینڈ کے جان سنوری اور چلی کے جان پابلو انتہائی بلندی پر پہنچنے کے بعد تاحال واپس نہیں پہنچ سکے۔
واضح رہے کہ علی سدپارہ کے بیٹے نے اپنے ٹوئٹر پیغام میں کہا ہے کہ علی سدپارہ کی ٹیم نے ممکنہ طور پر برف میں غار بنا لی ہے اوروہاں سے نکالنے کی کوشش جاری ہیں جبکہ آئس لینڈ کی ایروسپیس نے ممکنہ مقام کی تصاویر جاری کر دی ہیں۔
https://twitter.com/AliSaaddparaa/status/1359949715039731717
