گوگل نیوز پر ہمیں فالو کریںپاکستان مسلم لیگ (ق) نے تحفظات دُور نہ کرنے پر سینیٹ الیکشن میں پاکستان تحریکِ انصاف کی وفاقی حکومت کی حمایت نہ کرنے کا فیصلہ کیا ہے۔
تفصیلات کے مطابق وفاقی دارالحکومت اسلام آباد میں موجود ق لیگ ذرائع کا کہنا ہے کہ سینیٹ الیکشن کے حوالے سے ہم بہت محتاط انداز میں سوچ سمجھ کر ووٹ دیں گے کیونکہ ہمارے مطالبات بھی پی ٹی آئی نے نہیں مانے تھے اور بہت سارےایشوز پر ہمیں وقتی طور پر لالی پاپ دیا گیا تھا اس لیے ہمیں کوئی جلدی نہیں کہ ہم سینیٹ الیکشن میں پی ٹی آئی کے حق میں ووٹ دیں گے۔
اسلام آباد میں ق لیگ ذرائع کا کہنا ہے کہ پارٹی کے تحفظات جب تک دور نہیں کیے جاتے، ق لیگ کسی بھی صورت میں سینیٹ الیکشن میں پی ٹی آئی کو سپورٹ نہیں کرے گی۔ ق لیگ کے کچھ دیرنیہ مطالبات ابھی تک پورے نہیں کیے گئے، پارٹی رہنماؤں کو نییب سے ڈرایا جاتا رہا ہے، کبھی ق لیگی رہنماؤں کے بند کیسز کو کھلوایا گیا، جان بوجھ کر رہنماؤں کو دباؤ میں رکھا گیا، جس پر ق لیگ کے اپنے تحفظات ہیں۔
ق لیگ ذرائع کے مطابق پنجاب میں بھی پارٹی کو ان کی مرضی کی پوزیشنز نہیں دی گئی اس لئے ق لیگی قیادت کی پوری کوشش ہے کہ سینیٹ الیکشن میں پی ٹی آئی کو بالکل سپورٹ نہ کیا جائے جبکہ ابھی تک جس طرح عوام کو ڈلیور کرنا چاہیے تھا اس طرح موجودہ حکومت ڈلیور نہیں کر پارہی۔ق لیگی رہنما بھی اپنے علاقے کے لوگوں کے مسائل حل نہیں کر پا رہے۔
ذرائع کے مطابق ق لیگی رہنماؤں کا کہنا ہے کہ ہمارے پاس محدود اختیارات ہیں، ہمارے حلقے کے عوام بھی ہم سے سخت نالاں ہیں، جبکہ ہم نے صرف پنجاب میں چوہدری پرویز الہی کو وزیرِ اعلیٰ بنانے کا مطالبہ کیا تھا جو کہ ابھی تک پورا نہ ہو سکا، اس لئے ہماری قیادت نے فیصلہ کیا ہے کہ ہم کسی صورت میں پی ٹی آئی کو سینیٹ الیکشن میں سپورٹ نہیں کریں گے اور نہ ہی ووٹ دیں گے، جب تک ہمارے تحفظات دور نہیں کیے جاتے۔
یہ بھی پڑھیں: عمران خان نے دنیا کومودی کااصل چہرہ دکھایا،چوہدری پرویز الہٰی
