عروہ حسین کو خوبصورت وادیوں کی تصاویر دیکھ کرگلگت بلتستان کی یاد ستانے لگی

کراچی: وزیراعظم عمران خان کی جانب سے گلگت بلتستان کی خوبصورت وادیوں کی تصاویر ٹوئٹر پر شیئر کرنے کے بعد اداکارہ عروہ حسین کوایک بار پھر شمالی علاقہ جات کی یاد ستانے لگی ہے۔

قدرت کے حسین نظاروں کے حوالے سے اداکارہ عروہ حسین کا کہنا ہے کہ ان تصاویر نے مجھے گلگت بلتستان کے سفر کی یاد دلادی ہے۔

انہوں نے کہا کہ حال ہی میں شمالی علاقہ جات میں گھوم کر آئی ہوں ، مجھے وہاں کے لوگوں کی گرمجوشی اور قدرتی خوبصورتی یاد آتی ہے۔

اداکارہ نے اپنے پیغام میں لکھا ہے کہ  یہ میرا خوبصورت پاکستان ہے! ۔میں کچھ ہفتے پہلے گلگت بلتستان میں تھی اور ایک بار پھر اس خوبصورت جگہ جانے کی خواہش ہے۔

Yes, that’s my beautiful Pakistan ! 🍁🇵🇰

p.s. Was there only a few weeks ago , already craving to go back to the enthralling Gilgit-Baltistan & it’s warmest people ! https://t.co/3ILnCkn7iy

— URWA HOCANE (@VJURWA) December 6, 2020

اس سے قبل وزیرِ اعظم پاکستان عمران خان نے گلگت بلتستان کے خوبصورت علاقوں کی نئی تصاویر شیئر کی ہیں جن میں سیاحوں کیلئے زبردست کشش موجود ہے۔

سماجی رابطے کی ویب سائٹ ٹوئٹر پر اپنے پیغام میں وزیرِاعظم عمران خان نے کہا کہ مجھے گلگت بلتستان کی نئی تصاویر موصول ہوئی ہیں۔

پیغام میں وزیرِ اعظم عمران خان نے کہا کہ اِس بار مجھے گلگت بلتستان کے مشہورومعروف شہر اسکردو کے قرب و جوار کی تصاویر ملی ہیں جو میرے گزشتہ ٹویٹ کا ردِ عمل کہی جاسکتی ہیں۔