گوگل نیوز پر ہمیں فالو کریںاسلام آباد: وفاقی وزیرِ تعلیم شفقت محمود نے کہا ہے کہ کورونا وائرس نے تعلیمی ادارے بند کرادئیے، طلباء چھٹیاں سمجھ کر فارغ نہ رہیں بلکہ انہیں گھر پر تعلیم جاری رکھنی ہوگی۔
سماجی رابطے کی ویب سائٹ ٹوئٹر پر اپنے پیغام میں وفاقی وزیرِ تعلیم شفقت محمود نے کہا کہ ہمیں بہت تیزی سے بڑھتے ہوئے کورونا وائرس کیسز کے باعث تعلیمی ادارے بند کرنے پڑے اور ہم نے یہ فیصلہ دل پر پتھر رکھ کر کیا۔
پیغام میں وزیرِ تعلیم شفقت محمود نے کہا کہ میں تمام طلباء سے درخواست کرتا ہوں کہ جو وقت انہیں ملا ہے اسے چھٹی نہ سمجھیں بلکہ اپنے گھروں پر پڑھیں، کورس کی دہرائی کریں، ہوم ورک کریں اور جتنا زیادہ ممکن ہوسکے، تعلیم جاری رکھیں۔
We had to close educational institutions because coronavirus infections were rising very fast. It was done with a heavy heart. I request all students to use this time not as a holiday but to revise their courses, do homework, in short continue with studies as much as possible
— Shafqat Mahmood (@Shafqat_Mahmood) December 1, 2020
یاد رہے کہ اِس سے قبل ملک میں کورونا وائرس کے بڑھتے ہوئے کیسز کے باعث اسکولوں میں بچوں میں وباء پھیلنے کے خدشات کے پیش نظر پاکستان بھر میں تمام تعلیمی ادارے 10 جنوری 2021 تک بند کردیئے گئے۔
تعلیمی ادارے بند کرنے کا فیصلہ وفاقی وزیر تعلیم شفقت محمود کی زیرصدارت 23 نومبر کو بین الصوبائی وزیر تعلیم کانفرنس کے اجلاس میں کیا گیا تھا۔
مزید پڑھیں: کورونا کے خدشات، 26 نومبر سے ملک بھر کے تمام تعلیمی ادارے بند
