گوگل نیوز پر ہمیں فالو کریںکراچی کے علاقے گلشن اقبال میں نامعلوم ڈاکوؤں کی فائرنگ کے باعث پرائیویٹ یونیورسٹی میں زیر تعلیم طالبہ جاں بحق ہو گئی جبکہ یہ واقعہ اس وقت پیش آیا جب وہ یونیورسٹی جا رہی تھی۔
گلشن اقبال کے علاقے موچی موڑ کے قریب صبح 7 بجے کے قریب پیش آنے والے ڈکیتی کے واقعے کے دوران موٹر سائیکل سوار دو ڈاکوؤں نےمصباح اطہر نامی طالبہ اور اس کے والد سے موبائل فون اور پرس چھین لیے۔
یہ بھی پڑھیں: لاہورہائیکورٹ نے جھوٹے مقدمات دائرکرنےوالوں کےخلاف کارروائی کاحکم دے دیا
مصباح کے والد اسے یونیورسٹی چھوڑنے کے لیے لے جا رہے تھے جبکہ ڈکیتی کے دوران مسلح مجرموں نے فائرنگ کی جس سے ایک گولی طالبہ کے سر میں جا لگی جس سے موقعےپر اس کی موت واقع ہو گئی۔
اب تک موٹر سائیکل سوار ملزمان کی شناخت نہیں ہوسکی، تاہم پولیس کاکہنا ہے کہ ملزمان کو جلد گرفتار کرکے قانون کے کٹہرے میں لائیں گے۔ جاں بحق لڑکی مصباح اطہر گلشن اقبال کے علاقے عابد ٹاؤن کی رہائشی اور ہمدرد یونیورسٹی میں میڈیکل فورتھ ائیر میں زیر تعلیم تھی۔
یاد رہے کہ اس سے قبل پنجاب کے شہر فیصل آباد میں ہوائی فائرنگ کرکے پولیس کو گرفتاری کا چیلنج کرنے والے نوجوان کو پولیس نے گرفتار کرلیا۔نوجوان کی وڈیو وائرل ہونے کے بعد پولیس نے ملزم کو تلاش کر کے گرفتار کیا۔ ملزم کے خلاف مقدمہ درج کرلیا گیا جبکہ ہوائی فائرنگ میں استعمال ہونے والا اسلحہ بھی برآمد کیا گیا۔
مزید پڑھیں: فیصل آباد: ہوائی فائرنگ کرکے پولیس کو چیلنج کرنے والا نوجوان گرفتار
