گوگل نیوز پر ہمیں فالو کریںراولپنڈی: پاک فوج کے سربراہ جنرل قمر جاوید باجوہ نے ہاکی کے عظیم کھلاڑی عبدالرشید جونیئرکی وفات پر اظہار افسوس کیا ہے۔
آئی ایس پی آرکے مطابق آرمی چیف جنرل قمر جاوید باجوہ کا کہنا ہے کہ پاکستان ایک بڑے کھلاڑی اورعظیم انسان سے محروم ہوگیا، اللہ تعالیٰ مرحوم کے درجات بلند کرے، اللہ تعالیٰ سوگوارخاندان کو ہمت اورصبرعطا فرمائے۔
عبدالرشید جونیئرکی عمر 79 سال تھی، عبدالرشید جونیئر 1968 میں طلائی تمغہ جیتنے والی اور 1972 کے اولمپکس میں چاندی کا تمغہ جیتے والی ٹیم کا بھی حصہ تھے۔
عبدالرشید جونیئر 1976 میں کانسی کا تمغہ جیتنے والی ٹیم کا بھی حصہ رہے،عبدالرشید جونیئر نے 1968 اور 1972 کے اولمپکس مقابلوں میں سب سے زیادہ گول کیے۔
مزید پڑھیں :قومی ہاکی ٹیم کے سابق کپتان رشید جونیئر کی وفات نے سوگوار کردیا۔اسد عمر
آرمی چیف نے مرحوم کے درجات بلندی کیلئے دعا کرتے ہوئے سوگوارخاندان کیلئے بھی نیک خواہشات کا اظہار کرتے ہوئے عبدالرشید جونیئر کو بھرپور خراج عقیدت پیش کیا ہے۔
General Qamar Javed Bajwa, #COAS expresses heartfelt grief on passing away of hockey legend Abdul Rashid Junior. Pak has lost an iconic sportsman & a great human being. May Allah bless his soul & give strength to the bereaved family to bear this irreparable loss, Ameen”, COAS.
— DG ISPR (@OfficialDGISPR) November 6, 2020
