سربراہ پی ڈی ایم مولانا فضل الرحمٰن آج مریم نواز سے ملاقات کرینگے

لاہور :جمعیت علمائے اسلام ف کے امیر اور پی ڈی ایم کے سربراہ مولانا فضل الرحمٰن آج جاتی امرا ء میں پاکستان مسلم لیگ ن کی نائب صدر مریم نواز سے ملاقات کریں گے۔

مسلم لیگ ن کی ترجمان مریم اورنگزیب نے اس حوالے سے بتایا ہے کہ فضل الرحمٰن مسلم لیگ ن کے رہنماؤں سے اپوزیشن اتحاد پاکستان ڈیموکریٹک موومنٹ کے سربراہ کی حیثیت سے ملاقات کریں گے۔

انہوں نے کہا کہ اپوزیشن رہنماء حکومت مخالف تحریک کی آئندہ کی حکمت عملی ، مسلم لیگ (ن) کے صدر شہباز شریف کی گرفتاری، غداری کے مقدمات کے اندراج اور پاکستان ڈیموکریٹک موومنٹ کی ریلیوں کے شیڈول پر تبادلہ خیال کریں گے۔

مزید پڑھیں:حکومت سندھ نہ خود کوئی کام کرتی ہے نہ کرنے دیتی ہے، شبلی فراز

مریم اورنگزیب نے بتایا کہ فضل الرحمٰن کے لئے مریم نواز ڈنر کی میزبانی بھی کریں گی، ان کا کہنا ہے کہ ملاقات میں آئندہ کا لائحہ عمل تیار کیا جائیگا۔