گوگل نیوز پر ہمیں فالو کریںپاکستان مسلم لیگ ن کے صدر شہباز شریف نے کہا ہے کہ مسئلہ کشمیر پر حکومت اور اپوزیشن چٹان کی طرح متحد ہیں، مظلوم کشمیریوں کی سیاسی، اخلاقی اور سفارتی مدد کے معاملے پر ہمیں کوئی تقسیم نہیں کر سکتا۔
اپوزیشن لیڈر شہباز شریف نے اپنے ٹویٹر پیغام میں کہا کہ جب کشمیر کی بات ہو تو ہم سب ایک چٹان کی طرح مضبوط ہیں۔ بھارتی وزیراعظم نریندر مودی پاکستانیوں کی کشمیری بھائیوں کے ساتھ اتحاد کے بارے میں کسی غلط فہمی میں نہ رہیں۔
انہوں نے کہا کہ مظلوم کشمیریوں کی سیاسی اور سفارتی حمایت کا ہمارا جذبہ غیر متزلزل ہے، مودی اس حوالے سے کوئی غلطی نہیں کرنا۔
When it comes to Occupied Kashmir, we, the government and Opposition, are united like a rock, and unwavering in our moral, diplomatic and political support to the oppressed Kashmiris. Mr. Modi must make no mistake about it!
— Shehbaz Sharif (@CMShehbaz) September 29, 2019
ان کا مزید کہنا تھا کہ عالمی امن کیلئے پاکستان کی خدمات کسی سے ڈھکی چھپی نہیں، پاک فوج نے اقوام متحدہ کے امن مشنز کیلئے ہمیشہ اہم کردار ادا کیا۔
انہوں نے کہا کہ ‘ہماری مسلح افواج نے دہشت گردی کے خلاف بہادری سے جنگ لڑی ہے، ہم ایک ذمہ دار جوہری ریاست ہیں اور دنیا کو فاشسٹ مودی سے ضرور خبردار ہونا چاہیے’۔
Pakistan’s contributions to world peace are well-documented. We have been one of the largest troop contributors to the UN peacekeeping missions. Our armed forces have fought valiantly against terrorists. We are a responsible nuclear state. The world must beware of fascist Modi.
— Shehbaz Sharif (@CMShehbaz) September 29, 2019
واضح رہے کہ وزیراعظم عمران خان نے اقوام متحدہ میں مقبوضہ جموں و کشمیر کی صورت حال کو بھرپور انداز میں دنیا کے سامنے اجاگر کرتے ہوئے کہا تھا کہ 80 لاکھ کشمیری مسلسل 55 روز سے گھروں میں محصور ہیں اور ان کے ساتھ جانوروں جیسا سلوک کیا جاتا ہے۔
پاکستان مسلم لیگ (ن) کے صدر شہباز شریف قومی اسمبلی میں وزیراعظم عمران خان اور پاکستان تحریک انصاف (پی ٹی آئی) کی حکومت کے اقدامات پر سخت تنقید کرتے رہے ہیں تاہم انہوں نے کشمیر کے معاملے پر حکومت اور اپوزیشن کے ایک ہونے کا بیان دیا۔
