گوگل نیوز پر ہمیں فالو کریںوزارتِ تعلیم سندھ نے کراچی میں حکومتی فیصلے کی خلاف ورزی پر کارروائی کرتے ہوئے نجی اسکولز کو وقت سے قبل کھولنے پر سیل کردیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ تعلیم و محنت سندھ سعید غنی نے کہا کہ حکومتی ہدایات کی خلاف ورزی کرتے ہوئے اورنگی ٹاؤن میں واقع 4 نجی اسکولز کو ہم نے سیل کردیا ہے۔
پیغام میں وزیرِ تعلیم سندھ سعید غنی نے کہا کہ جن اسکولز کو سیل کیا گیا، ان میں الائیڈ اسکول، فیض پبلک اکیڈمی، بیسٹ وے گرامر اسکول اور ہاجرہ میموریل اسکول شامل ہیں۔
وزیرِ تعلیم نے کہا کہ مذکورہ اسکولوں کو پری پرائمری کلاسز شروع کرنے پر سیل کیا گیا جس کے ساتھ ساتھ دیگر قانونی کارروائی بھی شروع کردی گئی ہے۔ میری والدین سے گزارش ہے کہ حکومتی ہدایات پر عمل کریں۔
حکومتی ہدایات کی خلاف ورزی کرتے ہوئے اورنگی ٹاؤن میں واقع Allied School, Faiz Public اور Academy, Bestway Grammar School Hajra Memorial School کو Pre Primary کلاسز شروع کرنے پر سیل کرنے کے دیگر قانونی کاروائی شروع کردی گئی ہے
میری والدین سے گزارش ہیکہ حکومتی ہدایات پر عمل کریں pic.twitter.com/vIDwEhUup4— Senator Saeed Ghani (@SaeedGhani1) September 17, 2020
واضح رہے کہ قبل ازیں تعلیمی ادارے کھولنے کے فیصلے پر عمل درآمد شروع ہوا جس کے تحت پہلے مرحلے میں میٹرک اور انٹر سے لے کر اعلیٰ تعلیمی ادارے کھولے گئے۔ پرائمری سطح کے تعلیمی ادارے بند رہے۔
حکومتی فیصلے کے تحت مڈل، پرائمری اور پری پرائمری سطح کی تعلیم 30 ستمبر سے شروع کی جانی تھی۔ پرائیویٹ اسکولز نے حکومتی فیصلے کے خلاف اسکولز آج سے ہی کھول لیے تھے جس پر وزیرِ تعلیم سندھ نے کارروائی کی۔
یہ بھی پڑھیں: تعلیمی ادارے کھلنے کے بعد کورونا کیسز میں اضافہ کیوں؟
