پاک بھارت کرکٹ کی بحالی باہمی تعلقات کی بہتری سے مشروط ہے۔پی سی بی

پاکستان کرکٹ بورڈ نے پاک بھارت کرکٹ کی بحالی کو باہمی تعلقات کی بہتری سے مشروط کرتے ہوئے کہا ہے کہ اگر بھارت دونوں ممالک کے درمیان کرکٹ کی بحالی چاہتا ہے تو اسے پہلا قدم خود اٹھانا ہوگا۔

تفصیلات کے مطابق بھارتی میڈیا کو انٹرویو دیتے ہوئے چیئرمین پاکستان کرکٹ بورڈ احسان مانی نے کہا کہ پاکستان دونوں ممالک میں کرکٹ کی بحالی پر پہلے ہی بہت گفت و شنید کرچکا، اب باری بھارتی کرکٹ بورڈ کی ہے کہ وہ ہمارے ساتھ تعلقات کو بہتر بنائیں، کرکٹ کی بحالی اس کا اگلا قدم ہوگی۔

انٹرویو کے دوران پی سی بی کے چیئرمین نے کہا کہ ہم پاکستانی کھلاڑیوں کو بھی آئی پی ایل میں کھلانے کے بارے میں بات نہیں کریں گے۔ ماضی میں کرکٹ کے تعلقات خوشگوار تھے لیکن اب ہم کرکٹ کی بحالی کیلئے مزید بات چیت نہیں کریں گے، نہ ہی ہم پاک بھارت ٹی ٹوئنٹی لیگ کھیلنے کا کوئی ارادہ رکھتے ہیں۔ 

یہ بھی پڑھیں: پاک بھارت  کرکٹ ٹیم ، قیادت عمران خان کے حوالے