گوگل نیوز پر ہمیں فالو کریںاسلام آباد: پاکستان بھر میں تعلیمی سرگرمیوں کا سلسلہ کل سے بتدریج بحال ہورہا ہے، وزیرِ اعظم عمران خان نے کہا ہے کہ ہر بچے کو کورونا وائرس کے خطرے کے پیشِ نظر بحفاظت اسکول بھیجنا ہماری ذمہ داری ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ کل اسکول واپسی پر ہم لاکھوں بچوں کو خوش آمدید کہیں گے، تعلیمی عمل کی بحالی کیلئے پر عزم ہیں۔
پیغام میں وزیرِ اعظم عمران خان نے کہا کہ یہ یقینی بنانا کہ ہر بچہ حصولِ علم کیلئے بحفاظت اسکول جا سکے، حکومتِ پاکستان کی ترجیح اور معاشرے کی اجتماعی ذمہ داری ہے۔
وزیرِ اعظم عمران خان نے کہا کہ ہم نے اسکولوں میں تدریسی سرگرمیوں کو کورونا وائرس کے حوالے سے صحتِ عامہ کے قواعد (ایس او پیز) سے ہم آہنگ بنانے کا بطورِ خاص اہتمام کیا ہے۔
کل سکول واپسی پر ہم لاکھوں بچوں کو خوش آمدید کہیں گے۔ یہ یقینی بنانا کہ ہر بچہ حصولِ علم کیلئےبحفاظت سکول جاسکے، ہماری ترجیح اور اجتماعی ذمہ داری ہے۔ ہم نےسکولوں میں تدریسی سرگرمیوں کو #COVID19 کے حوالےسےصحتِ عامہ کے قواعد سےہم آہنگ بنانے کا بطورِ خاص اہتمام کیا ہے۔#SafeAtSchool
— Imran Khan (@ImranKhanPTI) September 14, 2020
یہ بھی پڑھیں: تعلیمی ادارے مقررہ شیڈول کے مطابق کھولے جائینگے، سعید غنی
