رابی پیرزادہ کے بینک اکاؤنٹ سے پیسے چوری، اے ٹی ایم کارڈ کا بیلنس صفر ہوگیا

شوبز سے کنارہ کشی اختیار کرنے والی سابق پاکستانی گلوکارہ رابی پیرزادہ کے بینک اکاؤنٹ سے پیسے چوری ہو گئے، اے ٹی ایم کارڈ کا بیلنس صفر ہونے پر رابی پیرزادہ نجی بینک سے ناراض ہو گئی ہیں۔

سماجی رابطے کی ویب سائٹ ٹوئٹر پر3 روز قبل  اپنے پیغام میں سابق پاکستانی گلوکارہ رابی پیرزادہ نے کہا کہ پاکستان میں نجی بینک جیسی بڑی کمپنی بھی چوری کو نہیں روک سکتی۔ آج مری میں جب اے ٹی ایم کارڈ استعمال کیا تو پتہ چلا کہ میرا بیلنس صفر ہے۔

پیغام میں رابی پیرزادہ نے کہا کہ میں نے نجی بینک کو فون کیا اور پوچھا کہ میرا بیلنس صفر کیسے ہوگیا؟ تو جواب ملا کہ لاہور میں کسی نے آپ کے کارڈ سے سارے پیسے نکال لیے۔ اگر آپ میں سے کسی کا بینک اکاؤنٹ اِس بینک میں ہے تو احتیاط سے کام لیں۔ 

پاکستان میں الفلاح بینک جیسی بڑی کمپنی بھی چوری کو نہیں روک سکتی، آج مری میں جب اے ٹی ایم کارڈ استعمال کیا تو پتہ چلا بیلینس صفر ہے، فون کر کے پوچھا تو کہتے ہیں لاہور میں کسی نے میرے کارڈ سے سارے پیسے نکال لیے،اگر آپ کا اکائونٹ اس بینک میں ہے تو احتیاط کریں#alfalahbank

— Rabi Pirzada (@Rabipirzada) August 28, 2020

بعد ازاں رابی پیرزادہ نے مسرت کا اظہار کرتے ہوئے آج اپنے پیغام میں کہا کہ مجھے خوشی ہے کہ ایسے معاملات پر آواز اٹھانے کی وجہ سے لوگ مدد حاصل کر رہے ہیں۔ انہوں نے نجی بینک کو مخاطب کرتے ہوئے کہا کہ آپ  کی ٹیم سو رہی ہے تاہم  دوسرا نجی بینک جاگ رہا ہے۔ 

I am happy, because of me raising voice against such issues people are getting help.@BankAlfalahPAK u need to learn,this is how a company responds to its clients. Your team is sleeping. https://t.co/lYR9J3uMii

— Rabi Pirzada (@Rabipirzada) August 31, 2020

یہ بھی پڑھیں: مگر مچھ اور سانپ پالنے کے کیس میں  رابی پیرزادہ کوبری کرنے کا حکم