گوگل نیوز پر ہمیں فالو کریںصوبہ خیبر پختونخواہ کے ضلع دیر میں پولیس نے بر وقت کارروائی کرتے ہوئے صحافی قیس جاوید پر تشدد اور اغوا کے الزام میں 3 ملزمان کو گرفتار کر لیا ہے۔
تفصیلات کے مطابق ملزمان نے صحافی قیس جاوید کو شین خیبر تکہ کے خلاف خبر چلانے سے پہلے فون کال پر دھمکیاں دیں اور آج دن دہاڑے حذیفہ سینٹر سے اغوا کر لیا۔
شہریوں کی مداخلت، ڈی ایس پی فضل رحیم اور ایس ایچ او سلیم بلوچ کی بر وقت کارروائی کے باعث ملزمان کو گرفتار کیا گیا۔ واقعے کا مقدمہ 3 گرفتار ملزمان سمیت 8 سے 10 نامعلوم افراد کے خلاف درج کیا گیا۔
واضح رہے کہ مذکورہ ہوٹل کے خلاف پہلے بھی کئی بار سرکاری محکموں نے قانون کی خلاف ورزی پر بھاری جرمانے عائد کیے ۔ خواتین کسٹمرز کے کیبن میں تانکا جھانکی کی ویڈیوز اور تصاویر پہلے ہی سوشل میڈیا پر وائرل ہیں۔
یہ بھی پڑھیں: پولیس سے قبضہ مافیا اور منشیات فروشوں کے خلاف رپورٹ طلب
