وزیراعظم کے معاون خصوصی ڈاکٹر ظفر مرزا اپنے عہدے سے مستعفی ہوگئے

اسلام آباد: وزیراعظم عمران خان کے معاون خصوصی ڈاکٹر ظفر مرزانے اپنے عہدے سے استعفیٰ دیدیا ہے، اس بات کا اظہار انہوں نے سماجی رابطے کی ویب سائٹ ٹوئٹر پر کیا۔

ٹوئٹر پر ٹوئٹ کرتے ہوئے وزیراعظم کے معاون خصوصی ڈاکٹر ظفر مرزا کا کہنا تھا کہ دہری شہریت سے متعلق حکومت پر تنقید کے باعث اپنے عہدے سے مستعفی ہونے کا فیصلہ کیا ہے، انہوں نے کہا کہ پاکستانی عوام بہتر صحت کی دیکھ بھال کے مستحق ہیں۔

<352> I have resigned as SAPM. I came to ???????? on a personal invitation of @ImranKhanPTI leaving WHO. I worked hard & honestly. It was a privilege to serve Pakistan. I am satisfied that I leave at a time when COVID-19 has declined in ???????? as a result of a grand national effort.

— Zafar Mirza (@zfrmrza) July 29, 2020

وزیر اعظم عمران خان کے معاون خصوصی ڈاکٹر ظفر مرزا نے کہا کہ وزیراعظم کی دعوت پر ڈبلیو ایچ او چھوڑ کر پاکستان آیا تھا اور میں نے ایمانداری اور پوری محنت کے ساتھ اپنا کام کیا، ڈاکٹر ظفر مرزا کا کہنا تھا کہ میں مطمئن ہوں اس وقت قومی کوششوں کے نتیجے میں پاکستان میں کورونا دم توڑ رہا ہے اور انشاء اللہ بہت جلد اس کا مکمل خاتمہ ہوجائے گا۔