سالگرہ کا کیک کاٹا جارہا ہے مگر کراچی کو نہیں پوچھا جارہا،عالمگیر خان

اسلام آباد:تحریک انصاف کراچی کے رکن اسمبلی عالمگیر خان نے کہا ہے کہ بلاول بھٹو زرداری بڑے بڑے بھاشن دینے کی بجائے کراچی کو پلان دیں۔

صحافیوں سے گفتگو کرتے ہوئے عالمگیر خان نے کہاکہ تیس سال سے اقتدار میں رہنے والوں نے کیا کیا،اڑھائی سو چھوٹے اور اڑتیس بڑے نالے کیوں سارا سال صاف نہیں کئے گئے۔

انہوں نے کہا کہ میئر کراچی کو فنڈز نہیں دیئے جارہے،کراچی سے تحریک انصاف کو ووٹ دینے کی سزا دی جارہی ہے،علی زیدی صفائی کے لئے گئے کچرا پھینکنے کی جگہ نہیں دی گئی۔

انہوں نے کہاکہ نالوں کے اردگرد غیر قانونی آبادیاں کس نے بسائی ہیں،بلاول بھٹو زرداری بڑے بڑے بھاشن دینے کی بجائے کراچی کو پلان دیں،اجرک ہماری عزت ہے یہ ماسک تقسیم کرکے اصل مسائل سے جان نہیں چھڑا سکتے۔

وزیر بلدیات کو بلا کر پوچھ تو لیں گاڑیاں پانی میں کیسے تیر رہی ہیں،لوگوں کو بتادیں کشتیاں لے لیں۔ انہوں نے کہاکہ ڈھٹائی کی حد ہوگئی ہے،سالگرہ کا کیک کاٹا جارہا ہے مگر کراچی کو نہیں پوچھا جارہا۔

پارلیمنٹ کے فلور اور سڑکوں پر احتجاج کریں گے،اجرک کا فروغ ہمارے سر کا تاج ہے مگر ہم عوام کے مسائل حل کرکے عزت دینے کی بات کررہے ہیں،کچھ دکھلاوے کرنے سے کچھ نہیں ہوگا۔