گوگل نیوز پر ہمیں فالو کریںاسلام آباد: وفاقی وزیر برائے منصوبہ بندی اسد عمر نے کہا ہے کہ نئے پاکستان کا سفر جاری ہے، پی ٹی آئی حکومت کے 2 سال مکمل ہونے پر اِس سفر میں مزید تیزی لانے کا اعلان کرتے ہیں۔
سماجی رابطے کی ویب سائٹ ٹوئٹر پر اپنے پیغام میں وزیرِ منصوبہ بندی اسد عمر نے کہا کہ آج سے 2 سال قبل وطنِ عزیز پاکستان کے عوام نے عمران خان کی 22 سالہ پاکستان کی ترقی کی جدوجہد کو ایک نئے مرحلے میں داخل کیا۔
وفاقی وزیر اسد عمر نے کہا کہ اِن شاء اللہ نئے پاکستان کا یہ سفر نہ صرف جاری رہے گا بلکہ مزید تیز ہوگا۔جدوجہد تیز کرنے کے عزم کے ساتھ مزید کام کرنا ہے جبکہ یہ عوام کی جیت کا دن ہے۔
آج سے 2 سال پہلے پاکستان کے عوام نے عمران خان کی 22 سالہ پاکستان کی بہتری کی جدوجہد کو ایک نئے مرحلے میں داخل کیا. انشاءاللہ نئے پاکستان کا یہ سفر نا صرف جاری رہے گا بلکہ مزید تیز ہو گا. اسی عزم سے کام کرنا ہے کے تیز ہو تیز ہو جدوجہد تیز ہو #عوام_کی_جیت_کا_دن
— Asad Umar (@Asad_Umar) July 25, 2020
یاد رہے کہ اِس سے قبل وفاقی وزیر برائے منصوبہ بندی اسد عمر نے وزیرِ اعظم عمران خان کے احساس کیش پروگرام کو بے مثال قرار دیتے ہوئے کہا کہ پروگرام کے تحت ملک کے ہر دوسرے خاندان کی مدد کی گئی۔
ٹوئٹر پر 3 روز قبل اپنے پیغام میں وزیرِ منصوبہ بندی اسد عمر نے کہا کہ احساس کیش پروگرام کے تحت گزشتہ 4 ماہ کے دوران 194 ارب روپے تقسیم ہوئے۔
مزید پڑھیں: احساس کیش ، ہر دوسرے خاندان کی مدد کی گئی۔اسد عمر
