گوگل نیوز پر ہمیں فالو کریںآنجہانی بالی ووڈ ہیرو سُشانت سنگھ راجپوت کی آخری فلم دِل بے چارہ آج ریلیز ہوگی جس پر بھارتی فنکاروں کے ساتھ ساتھ فلمی دنیا کے مداح بھی سُشانت سنگھ راجپوت کو خراجِ تحسین پیش کررہے ہیں۔
سماجی رابطے کی ویب سائٹ ٹوئٹر پر گینگز آف واسع پور سے شہرت پانے والے اداکار نواز الدین صدیقی نے کہا کہ وقت آگیا ہے جب ہم دل کی گہرائیوں سے سشانت سنگھ راجپوت کو خراجِ تحسین پیش کریں۔
اداکار نواز الدین صدیقی نے کہا کہ سشانت سنگھ راجپوت کے کام اور محنت پر داد دینے کیلئے مل کر آج شام 7 بج کر 30 منٹ پر ڈزنی پلس پر ریلیز ہونے والی فلم دل بے چارہ دیکھیں۔
The time is come for all of us to pay our heart felt tribute by celebrating #SushantSinghRajput ‘s work. Let’s watch it together #DilBechara releasing today @ 7.30pm on @DisneyPlusHS @CastingChhabra pic.twitter.com/Kg66A8Mdpg
— Nawazuddin Siddiqui (@Nawazuddin_S) July 24, 2020
یاد رہے کہ اِس سے قبل آنجہانی بھارتی اداکار سشانت سنگھ راجپوت کی آخری فلم دل بے چارہ کو سینما کی بجائے آن لائن پلیٹ فارم ڈزنی پلس ہاٹ اسٹار پر ریلیز کرنے کا فیصلہ کیا گیا۔
تفصیلات کے مطابق انگریزی فلم دی فالٹ اِن اسٹارز (ہمارے ستاروں میں نقص) نامی انگریزی فلم کے ری میک دل بے چارہ کو کورونا وائرس کی روک تھام کیلئے جاری لاک ڈاؤن کے باعث سینما پر ریلیز نہ کی جاسکی، فلم آج آن لائن شائقین کیلئے دستیاب ہوگی۔
مزید پڑھیں: سشانت سنگھ کی فلم دل بے چارہ 24 جولائی کو ریلیز کرنے کا فیصلہ
