گوگل نیوز پر ہمیں فالو کریںجدہ: کورونا وائرس سے بچنے کے احتیاطی اقدامات کے تحت مکہ مکرمہ میں مسجد الحرام یوم عرفات اور عیدالاضحی پر نمازیوں کے لئے بند رہے گی۔
حج کے دوران سیکورٹی منتظم میجر جنرل محمد بن واسل الاحمدی کا کہنا ہے کہ مسجد الحرام اور اس کے بیرونی احاطے میں نماز کی معطلی جاری رہے گی، مکہ مکرمہ کے لوگ اپنے گھروں میں عرفات کے دن کا افطار کریں۔
انہوں نے کہا ہے کہ معاشرتی فاصلے کو یقینی بنانے کے لئے حجاج کرام کے مسجد الحرام میں داخلے کے لئے ایک نیا طریقہ کار وضع کیا گیا ہے۔
احتیاطی تدابیر کے طور پر کعبہ کے اطراف اور صفا اور مروہ کی پہاڑیوں کے درمیان چلنے کی رسومات کی انجام دہی کے لئے طے شدہ راستے متعین کردیئے گئے ہیں اور مسجد الحرام کے علاقے میں داخلے کی اجازت صرف ان لوگوں کو ہوگی جو سرکاری اجازت کے حامل ہوں۔
مزید پڑھیں:کیا یہ پہلی کا چاند ہے؟ فواد چوہدری نے چاند کی تصویر ٹوئٹ کر دی
