کراچی، لانڈھی ایکسپورٹ پروسیسنگ زون میں قائم3 فیکٹریوں میں آگ لگ گئی

کراچی: لانڈھی ایکسپورٹ پروسیسنگ زون میں قائم 3فیکٹریوں میں آگ لگ گئی۔جس کے نتیجے میں کروڑوں روپے کا سامان جل کر خاکستر ہو گیا ہے۔

ذرائع کے مطابق لانڈھی ایکسپورٹ پروسیسنگ زون میں قائم گتے، کاغذ اور پلاسٹک کی فیکٹری میں آگ لگی، جس نے دیکھتے ہی دیکھتے ساتھ مزید دو فیکٹریوں کو اپنی لپیٹ میں لے لیا۔

آگ لگنے کے بعدواٹر بورڈ کے ہائیڈرنٹس میں ایمرجنسی لگا دی گئی۔ فائر بریگیڈ کی گاڑیاں آگ بجھانے میں مصروف ہیں، لانڈھی اور صفورا ہائیڈرنٹس کو دیگر ٹینکر سے خالی کرادیا گیا ہے،فیکٹریوں میں موجود تمام افراد کو بحفاظت باہر نکال لیا گیا ہے۔

ترجمان رینجرز کے مطابق سندھ رینجرز کے جوان بھی امدادی کارروائیوں میں مصروف ہیں، جبکہ آگ بجھانے کے لئے فائر بریگیڈ کی 10گاڑیاں مصروف عمل ہیں۔