وزیر اعظم کا وژن ملک کو ترقی وخوشحالی سے ہمکنار کر رہا ہے‘ عبد العلیم خان

لاہور:سینئر وزیر عبدالعلیم خان نے کہا ہے کہ مالی سال 2020 میں بیرونی سرمایہ کاری میں 88 فیصد اضافہ خوش آئند ہے،ملک میں مشکلات اور چیلنجز کے باوجود ترقی کا سفر جاری ہے،وزیر اعظم کا وژن ملک کو ترقی وخوشحالی سے ہمکنار کر رہا ہے۔

وفد سے ملاقات کے دوران ان کا کہنا تھا کہ گزشتہ مالی سال میں ڈھائی ارب ڈالر کی عالمی سرمایہ کاری حوصلہ افزا ہے۔چین اور ناروے جیسے ممالک کی سرمایہ کاری روزگار کے مواقع لائے گی۔

علیم خان نے کہا کہ ملک میں مشکلات اور چیلنجز کے باوجود ترقی کا سفر جاری ہے،وزیر اعظم کا وژن ملک کو ترقی وخوشحالی سے ہمکنار کر رہا ہے۔

انہوں نے کہاکہ جون میں ساڑھے 17 کروڑ ڈالر کی سرمایہ کاری ہوئی،ٹیلی کام،مائیکرو فنانس بینکنگ پراجیکٹ میں زیادہ سرمایہ کاری ہوئی،بھاری سرمایہ کاری وزیر اعظم کی شخصیت پراعتماد کا اظہار ہے۔

انہوں نے کہا کہ ملکی ترقیاتی ادارے بھی بہترین کارکردگی کا مظاہرہ کر رہے ہیں،گزشتہ 2 برس میں کرپشن اور کمیشن مافیا کی حوصلہ شکنی ہوئی۔انہوں نے کہا کہ 2023 تک حکومت اپنے منشور پر زیادہ سے زیادہ عمل کرچکی ہوگی۔