گوگل نیوز پر ہمیں فالو کریںکراچی: شیشہ بار کے بعد کراچی میں شیشہ سے متعلق سامان فروخت کرنے والوں کیخلاف پولیس حرکت میں آگئی، چھاپہ مار کارروائیاں شروع، 2ملزمان کو حراست میں لے لیا گیا۔
سعید آباد پولیس نے چھاپہ مار کر شیشہ بیچنے والے ملزمان کوگرفتار کر کے بڑی تعداد میں شیشہ اوراس میں شامل کیے جانے والے کیمیکلز اور فلیورز بر آمد کر لیے۔
سعیدآباد پولیس نے مخبر خاص کی اطلاع پر نیول کالونی سعیدآباد سے ایک پرچون کی دوکان سے تین عدد چھوٹے اور دو عدد بڑے حقے،121 عدد شیشے کے فلیور،مضر صحت 8 عدد پیکٹ شیشہ، کوئلہ 2 بڑے پیکٹ، شیشہ کوئلہ 8 عدد،کوائل پیپر6 عدد حقہ کے پائپ برآمد کر لیے۔
موقع سے مضرصحت شیشہ کی فروخت میں ملوث دو ملزمان محمد عابد ولد پی موسیٰ اورعبداللہ ولد عبیداللہ کو گرفتار کیا گیا۔
ملزمان کے خلاف تھانہ سعیدآباد میں مقدمہ الزام نمبر 264/2020 بجرم دفعہ 269/270/273/34 درج کیا گیا۔
مزید پڑھیں: صارم برنی ٹرسٹ سے خاتون کو زبردستی لیجانے کی کوشش پر جھگڑا
