گوگل نیوز پر ہمیں فالو کریںاسلام آباد: ملکی و سیاسی نوعیت کے معاملات پر بحث و تمحیص کیلئے قومی اسمبلی کا اجلاس آج ہوگا جس کے دوران گزشتہ روز کی گئی بحث کا سلسلہ جاری رکھا جائے گا۔
قومی اسمبلی کے گزشتہ روز کے اجلاس میں حزبِ اختلاف اور حزبِ اقتدار کے درمیان خوب بحث و تمحیص جاری رہی، جس کے بعد اسپیکر قومی اسمبلی اسد قیصر نے اجلاس آج تک کیلئے ملتوی کردیا۔
پارلیمنٹ ہاؤس اسلام آباد میں قومی اسمبلی کے آج کے اجلاس میں حکومتی وزراء اپوزیشن رہنماؤں کی گزشتہ روز کی گئی تقاریر کا جواب دیں گے اور اہم قومی معاملات پر حکومتی مؤقف عوام کے سامنے رکھیں گے۔
ملکی تاریخ میں پہلی بار پاکستان اسٹاک ایکسچینج پر دہشت گردی کے حملے پر سخت ردِ عمل دیتے ہوئے گزشتہ روز اپوزیشن رہنماؤں نے وزیرِ اعظم عمران خان سے استعفے کا مطالبہ کیا جس کا ردِ عمل وفاقی وزیر علی زیدی آج دیں گے۔
بلاول بھٹو زرداری کے سخت بیان پر گزشتہ روز ردِ عمل دیتے ہوئے وفاقی وزیر برائے بحری امور علی حیدر زیدی نے کہا کہ میں کل قومی اسمبلی کے فلور سے چیئرمین پیپلز پارٹی کو جواب دوں گا۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر علی زیدی نے کہا کہ میں آدھے پکے ہوئے ناقص پرچی چیئرمین پیپلز پارٹی کو اس کے احمقانہ بیان پر جواب دوں گا۔
وزیرِ بحری امور علی حیدر زیدی نے کہا کہ بلاول بھٹو زرداری کا بیان غیر شائستہ اور بچگانہ تھا جبکہ میں یہ سمجھنے سے قاصر ہوں کہ ایسے عاقبت نا اندیش رہنما کو پیپلز پارٹی چیئرمین کے طور پر برداشت کیسے کر رہی ہے؟
Inshallah tomorrow on the floor of the house, I will respond to the half baked, defective parchi chairman of PPP on his nonsensical, immature & childish rants. I fail to understand how Bhutto's party is now being chaired by such a dimwit.
— Ali Haider Zaidi (@AliHZaidiPTI) June 29, 2020
