گوگل نیوز پر ہمیں فالو کریںصوبہ پنجاب کے شہر شیخوپورہ میں خاتون نے اپنے شوہر کی دوسری بیوی کو فائرنگ کرکے قتل کردیا جس کے بعد خود بھی خودکشی کر لی۔
یہ افسوسناک واقعہ شیخوپورہ میں تھانہ صدر کی حدود میں پیش آیا۔ ذرائع کے مطابق خاتون کے شوہر نے پہلی بیوی کے ہوتے ہوئے خفیہ طور پر دوسری شادی کر رکھی تھی جبکہ پہلی بیوی اُس کی دوسری شادی سے واقف نہیں تھی۔
پہلی بیوی کو شوہر کی دوسری شادی کا علم ہوتے ہی وہ اس کے گھر کا پتہ حاصل کرکے وہاں چلی گئی جہاں اُس نے پسٹل سے فائرنگ کردی جس سے دوسری بیوی موقعے پر جاں بحق ہو گئی۔
دوسری بیوی کو ہلاک کرنے کے بعد خاتون نے اگلی گولی خود اپنے سر میں مار کر خودکشی کر لی۔ پولیس نے دونوں خواتین کی لاشوں کو پوسٹ مارٹم کیلئے شیخوپورہ ہسپتال منتقل کردیا ہے۔
دونوں مرحوم خواتین کے شوہر کو پولیس نے گرفتار کر کے واقعے پر تفتیش شروع کردی ہے تاہم اِس واقعے کا مقدمہ درج نہیں کیا گیا۔
