گوگل نیوز پر ہمیں فالو کریںقومی کرکٹ ٹیم کے سابق بیٹسمین جاوید میانداد نے زندگی کی 63 بہاریں دیکھ لیں جبکہ انٹرنیشنل کرکٹ کونسل (آئی سی سی) نے تعریفوں کے پل باندھنے کے ساتھ ساتھ انہیں سالگرہ کی مبارکباد بھی دی۔
سماجی رابطے کی ویب سائٹ ٹوئٹر پر اپنے پیغام میں عالمی کرکٹ کونسل نے کہا کہ جاوید میانداد سن 1992ء میں ورلڈ کپ جیت کر لے جانے والے کھلاڑی رہے جبکہ وہ ایسے صرف 2 کھلاڑیوں میں شامل ہیں جنہوں نے 6 ورلڈ کپ کھیلے ہیں۔
عالمی کرکٹ کونسل نے کہا کہ جاوید میانداد وہ سب سے کم عمر کھلاڑی ہیں جنہوں نے ٹیسٹ میں ڈبل سنچری اسکور کی جبکہ ون ڈے انٹرنیشنل میں انہوں نے سب سے زیادہ مسلسل ففٹی اسکور کرنے کا اعزاز آج تک اپنے پاس رکھا ہوا ہے۔
کرکٹ کونسل کے مطابق جاوید میانداد کو سن 2009ء میں آئی سی سی (انٹرنیشنل کرکٹ کونسل) کے ہال آف فیم یعنی مشہور ومعروف شخصیات کے اعزازیہ کمرے میں جگہ دی گئی جو کرکٹ کیلئے ان کی خدمات کا اعتراف ہے۔ آئی سی سی نے اپنے پیغام کے آخر میں جاوید میانداد کو سالگرہ کی مبارکباد دی۔
???? 1992 @cricketworldcup winner
6️⃣ One of the only two players to appear in six World Cups
???? Youngest player to score a Test double ton
9️⃣ Holds the record for the most consecutive ODI fifties
???? Inducted into the #ICCHallofFame in 2009Happy birthday to ???????? legend Javed Miandad pic.twitter.com/0mhGu3pWrr
— ICC (@ICC) June 12, 2020
