گوگل نیوز پر ہمیں فالو کریںکراچی: حکومت سندھ کے ترجمان بیرسٹر مرتضیٰ وہاب نے کہاہے کہ سندھ میں ملازمت کا کوٹہ صوبے کے عوام کوملنا چاہئے،کسی کو بھی سندھ کا حق چھیننے نہیں دیں گے۔
کراچی میں پریس کانفرنس کے دوران مرتضیٰ وہاب نے کہا کہ جعلی ڈومیسائل کے حوالے سے قائم کردہ کمیٹی 30 دن میں تحقیقات مکمل کرے گی اور صوبے میں جعلی ڈومیسائل پر نوکریوں کے حوالے سے رپورٹ پیش کریگی جس کی روشنی میں اقدامات اٹھائے جائینگے۔
انہوں نے مزید کہا کہ اس سلسلے میں سیکریٹری داخلہ کی سربراہی میں ایک اپیلٹ فورم بھی تشکیل دیا جائے گا، کسی کے ساتھ زیادتی نہیں کی جائیگی۔
اس سے قبل آج ہی مرتضیٰ وہاب نے کورونا وائرس کے حوالے سے اپنے ٹوئٹر پیغام میں بتایا تھا کہ گذشتہ 24 گھنٹوں کے دوران سندھ میں کورونا وائرس سے لگ بھگ 750 افراد صحت یاب ہوئے ہیں اور انہوں نے مزید کہا کہ خود کو الگ تھلگ کرنے والے افراد تیزی سے صحت یاب ہو رہے ہیں۔
مزید پڑھیں: وزیرِ اعلیٰ نے جعلی ڈومیسائل کے خلاف کمیٹی بنا دی، ایکشن لیا جائے گا۔ناصر حسین شاہ
