قومی کرکٹ ٹیم کے سابق کپتان وسیم اکرم اپنی 54ویں سالگرہ آج منائیں گے

قومی کرکٹ ٹیم کے سابق کپتان اور کمنٹیٹر وسیم اکرم نے زندگی کی 54 بہاریں دیکھ لیں، وسیم اکرم اپنی سالگرہ آج منائیں گے۔

سماجی رابطے کی ویب سائٹ ٹوئٹر پر کرکٹ کی دنیا کے بے تاج بادشاہ وسیم اکرم کو خراجِ تحسین پیش کرتے ہوئے پاکستان کرکٹ بورڈ (پی سی بی) نے کہا کہ وسیم اکرم نے ون ڈے انٹرنیشنل میں فاسٹ باؤلر کی حیثیت سے سب سے زیادہ وکٹیں لیں۔

پاکستان کرکٹ بورڈ نے کہا کہ وسیم اکرم نے بائیں ہاتھ سے یہ وکٹیں لیں جو بین الاقوامی کرکٹ میں انہوں نے لیں، یہ ایک الگ اعزاز ہے۔ ہم دنیائے کرکٹ میں اپنے وقت کے بہترین فاسٹ باؤلر کو ان کے یومِ پیدائش کے موقعے پر سالگرہ مبارک کہتے ہیں۔ 

???? Most wickets by a fast bowler in ODIs
???? Most wickets by a left-armer in international cricket

Happy Birthday to one of the greatest fast bowlers of all time @wasimakramlive! pic.twitter.com/CWpEUCe66g

— Pakistan Cricket (@TheRealPCB) June 3, 2020

واضح رہے کہ وسیم اکرم بائیں ہاتھ سے باؤلنگ کرنے والے دنیا کے بہترین کھلاڑی تسلیم کیے جاتے ہیں جبکہ وسیم اکرم کو ون ڈے انٹرنیشنل میں 500 سے زائد وکٹیں لینے والے دنیا کے سب سے پہلے کھلاڑی ہونے کا اعزاز حاصل ہے۔

وطن کی نمائندگی کرتے ہوئے وسیم اکرم نے 356 ایک روزہ میچز کھیلے جن کے دوران انہوں نے مجموعی طور پر 502 وکٹیں لیں جبکہ کھیل سے ریٹائرمنٹ کے بعد وسیم اکرم نے کمنٹیٹر اور کوچ کے طور پر بھی کرکٹ کیلئے خدمات سرانجام دی ہیں۔