سندھ حکومت نے انٹر سٹی پبلک ٹرانسپورٹ چلانے کی اجازت دیدی

کراچی: سندھ حکومت نے انٹر سٹی پبلک ٹرانسپورٹ چلانے کی اجازت دیدی ہے۔ اس حوالے سے سیکریٹری ٹرانسپورٹ اینڈ ماس ٹرانزٹ سندھ کی جانب سے سندھ ہائیکورٹ میں جواب جمع کروادیا گیا ہے جس کے مطابق سندھ حکومت کا کہنا ہے کہ پبلک ٹرانسپورٹ صرف مقررہ ٹرمینل سے چلیں گی۔

سہراب گوٹھ بس ٹرمینل، کے ایم سی بس ٹرمینل اور کورنگی فارنیشنل ہائی وے بسیں چلائی جائی گی۔کے ایم سی ٹرمینل یوسف گوٹھ سمیت اندرون سندھ کے بھی ٹرمینل شامل ہیں۔

پبلک ٹرانسپورٹ کو چلانے کے لیے ایس او پی کو حتمی شکل دے دی گئی ہے۔ صوبائی حکومت کا کہنا ہے کہ عدالتی حکم پر عمل درآمد کرتے ہوئے 21 مئی کو تمام اسٹیک ہولڈر کی میٹنگ بلائی گئی تھی۔

سندھ حکومت نے کراچی سے ملک بھر میں انٹر سٹی پبلک ٹرانسپورٹ کے حوالے سے فریم ورک اور ایس او پی تیار کرلئے ہیں۔پبلک ٹرانسپورٹ ضروری ہے مگر ہمیں لوگوں کی جانوں کو بھی محفوظ بنانا ہے۔

ٹرانسپورٹ پر پابندی عوامی مفاد میں لگائی گئی تھی۔ اجازت تو دی دی گئی ہے تاہم ایس او پیز پر کون عمل کرائے گا اور کتنا عمل درآمد ہوگا یہ بسیں چلنے کے بعد معلوم ہوگا۔