گوگل نیوز پر ہمیں فالو کریںپشاور:خیبر پختونخواہ کے گورنر شاہ فرمان نے کہا ہے کہ کورونا وائرس کے خلاف ہراول دستے کا کردار ادا کرنے والے افراد پاک فوج سمیت تمام اداروں کے اہلکار ہمارے ہیروز ہیں۔
سماجی رابطے کی ویب سائٹ ٹوئٹر پر اپنے پیغام میں گورنر خیبر پختونخواہ شاہ فرمان نے کورونا وائرس سے نبرد آزما پاک فوج کے میجر محمد اصغر کے انتقال پر دلی رنج و غم کا اظہار کیا۔
میجر محمد اصغر کے اہلِ خانہ سے ہمدردی کا اظہار کرتے ہوئے گورنرشاہ فرمان نے کہا کہ میجر محمد اصغر کورونا وائرس سے دوسروں کی زندگیوں کومحفوظ بناتے ہوئے خود شہید ہو گئے۔
خیبر پختونخواہ کے گورنر نے کہا کہ پاک فوج کے بہادر سپوتوں پر پوری قوم کو فخر ہے۔ پاک فوج نے ملکی سرحدوں کی حفاظت کے ساتھ ہر محاذ پر اپنی جان کی قربانیاں دی ہیں۔
پاک فوج کے بہادر سپوتوں پر پوری قوم کو فخر ہے.
پاک فوج نے ملکی سرحدوں کی حفاظت کے ساتھ ہر محاز پر اپنی جان کی قربانیاں دی ہیں:
کورونا وائرس میں فرنٹ لائین پر فرائض انجام دینے والے پاک فوج سمیت تمام اداروں کے اہلکار ہمارے ہیروز ہیں: گورنر خیبر پختونخوا شاہ فرمان— Shah Farman Updates (@ShahFarmanupdat) May 11, 2020
یاد رہے کہ اس سے قبل کورونا وائرس نے پاک فوج کے ایک آفیسر کی جان لے لی جبکہ ڈی جی آئی ایس پی آر نے میجر محمد اصغر کی وائرس کے باعث وفات کی تصدیق کرتے ہوئے ان کی تصویر جاری کردی۔
ٹوئٹر پر اپنے پیغام میں ڈی جی آئی ایس پی آر میجر جنرل بابر افتخار نے کہا کہ میجر محمد اصغر نے طورخم بارڈر پر اپنی ڈیوٹی سرانجام دیتے ہوئے کورونا وائرس کے خلاف جنگ لڑی جنہیں ہسپتال میں داخل کرایا گیا۔
مزید پڑھیں: کورونا وائرس نے پاک فوج کے آفیسر کی جان لے لی۔آئی ایس پی آر
